Kwidzulitsa 32:7 - KITABU KITAKATIFU

⁷ Widzulitse madiku ga kale, U ganagane mihiga gyevisukululwi vinyingi: U teve dada wowo, naye a la ku mannya; Avakulundu vovo, navo va la ku volera.

Kwidzulitsa 32:7 ပူးပေါင်းရင်းမြစ်များ

Zaburi 10:6

A volanga mmwoyo gwigwe, Inze si nda sundwa mba; Kuduka ku makula na makula si nda kupa kivi mba.

Zaburi 119:52

Nzidzulitsi amalago gogo ga kale O Yahova, Na nzeleminyi mwene.

Zaburi 44:1

Ku huliye na amatu getu, O Nyasaye, Avaguga vetu va ku voleye, Vikolwa vya wa kola mu madiku gavo, Mu madiku ga kale.

Zaburi 44:2

Wa kunga tsihiri nomukono gugwo; Navutswa wa va simika: Wa kupidza tsihiri kivi; Navutswa yava wa va landidza.

Zaburi 77:8

Tsimbabasi tsitsye tsyobuyanzi tsi heri ligali mihiga nemihiga? Na lisuuviridza lilye li divi kuduka makula na makula?

Zaburi 78:5

Kigira ya singeridza lilolekidza mu Yakobo, Na ya vika lilaga mu Israeli, Lya ya laga avaguga vetu, Kumannya avana vavo;

Kutwula 12:26

Kunangwa, lwa avana venyu va li mu teva, Ga veye ki ku mwinye, ubutumiki yibu?

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Isaya 46:9

Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

Isaya 63:11

Hene yaho lwa yidzulitsa madiku ga kale, Musa navandu veve, ya vola, A veye haliha uyu wa vanegeridza kutwula mu inyanza halala na avayi ve kyayo kikye? A veye haliha uyu wa vika Roho Mutakatifu wewe hagati havo?

Kwidzulitsa 4:32

Kunangwa kalunu teva makura ga madiku ga vita imbiri, kutwula lidiku lya Nyasaye ya lomba mundu ku lirova, nokutwula ku luvega lulala lwo migulu kuduka ku luvega lundi, u teve ha li nelifwana lyenkuva inene yiyi, kinga lifwana lyamakuva yaga lya hulirwa ku?

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

Vakalagi 6:13

Na Gideoni ya mu volera, Ive, mwami wange, Yahova na a va na a veye halala nekwinye, kigira ki inkuva yiyi i ku gwira? Hemiyinzi gyigye gyosi gyokugenya gyi veye haliha, gya vadada vetu va kwilwadzira, ni va vola, Yahova si ya ku leta kwanegire kutwula Egepeti? Navutswa kalunu Yahova u mali kukuta, na u ku viki mmakono ga Vamidiani.