Kwidzulitsa 32:6 - KITABU KITAKATIFU

⁶ Lisantidza lya mu hedzanga Yahova ni yili, Mwinye avandu avasiru, ava ta li nobugeeri? Si a li dada wowo wa ku gula? Niye wa ku lomba, nokukudinyeridza.

Kwidzulitsa 32:6 ပူးပေါင်းရင်းမြစ်များ

2 Samweli 7:24

Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

Ayubu 10:8

Mikono gyigyo gyi nombi nokunonga Hosi halala; na kandi u ndividza

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 116:12

Nda haana ikindu ki ku Yahova Ku vyosi vya ya mbaanira?

Zaburi 149:2

Israeli va sangale mu uyu wa va lomba: Avana va Zioni va kupe isango mu Mwami wavo.

Zaburi 74:18

Widzulitse yaga, musigu u nyegi ive, O Yahova, Na avandu vobusiru va legi lieta lilyo.

Zaburi 74:2

Widzulitse livugana lilyo lya wa gula kale, Lya wa nanula kuva ihiri yemiyamdu gyigyo; Widzulitse kigulu kya Zioni kya wa menya mu.

Zaburi 95:6

Hambi, ku kole miluka nokwinama; Ku sigame imbiri wa Yahova wa ku lomba:

Kutwula 15:16

Litihidzwa nobutii bu va gumiye; Ku bunene bwomukono gugwo, va kiring'ana kuli ligina; Kuduka avandu vovo vambuka, O Yahova, Kuduka avandu ava wa gula, vambuka.

Kutwula 4:22

Na ive u la volera Farao, Yahova a volanga ndi, Israeli a veye mwana wange, munene wange.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 43:7

sa mulala ava langwa ku lieta lyange, wa nda lombera ubukumi bwange, wa nda mu lomba, yee, wa nda mu kola.

Isaya 44:2

Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Hosea 13:13

Ubusaliri bwomukali u lumangwa bu la duka kuye: a veye mwana u ta veye nobugeeri; kigira inyinga i duki i ta dukana kusingira ha avana va hudula va twule.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Yohana 8:41

Mwinye mu kola miyinzi gya dada wenyu. Va mu volera, Kwinye si kwivulwa indasimba; ku veye na dada mulala yeng'ine, ni Nyasaye.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Varumi 8:15

Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada.

1 Vakorintho 6:20

kigira mwa gulwa ubuguli; kunangwa mwidzominye Nyasaye mu mibiri gyenyu.

Vagalatia 3:26

Kigira mwinye mwosi mu veye avana va Nyasaye, kigira lisuuvira mu Kristo Yesu.

Vagalatia 4:6

Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada.

Kwidzulitsa 1:31

na mukyangalangwi, ha wa lola kuli Yahova Nyasaye wowo a ku ginga, kuli mundu a ginganga mwana wewe, ku inzira yosi ha mwa tsia, kuduka hano.

Kwidzulitsa 14:1

Mwinye mu veye avana va Yahova Nyasaye wenyu: mu ta salaga mibiri gyenyu, kandi mu ta lomba kyavusu hagati hetsimoni tsyenyu kigira mukudzu.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:18

U vuli kwidzulitsa Lwanda lwa kwivula Wiviriye Nyasaye wa kwivula.

Kwidzulitsa 32:28

Kigira va veye ihiri i ta li nobugeeri, Na ava vula kuva nelimanya muvo.

2 Petro 2:1

Navutswa kandi va singira avaprofeti avobubehi va twula mu vandu, kuli ndiyo va la va ho mu mwinye avegidzi vobubehi, ava li leta kalaha lyekala vidieli vyobugotidzi ni vambakana Mwami wa va gula nokweletera avene ubudivi bwa bwangu.

1 Yohana 3:1

Henza ubuyanzi lugano ki bwa Dada ya kuha, ku langwe avana va Nyasaye; kandi ku veye ndiyo. Kigira yaga avomkivala si va ku manya, kigira si va mu manya.