Kwidzulitsa 32:43 - KITABU KITAKATIFU

⁴³ Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.

Kwidzulitsa 32:43 ပူးပေါင်းရင်းမြစ်များ

Litanga 12:3

kandi nda gasidza yavo ava gasidza ive, na nda laama yavo ava laama ive: na aviko vosi velirova va la gasidzirwa mu ive.

1 Avami 8:43

u hulire migulu hobumenyo bu bwo, nokukola kuli vyosi vya a ku saala, mugeni uyu, avandu velirova lyosi va duke kumanya lieta lilyo, kutia ive, kuli avandu vovo Israeli va ku tidzanga, kandi va manye inyumba yiyi ya nda kwombakira i langwa lieta lilyo kuyo.

2 Avami 9:7

Na u la kuya inyumba ya Ahabu munene wowo, nduke kuvanza masahi gavatumekiri vange avoprofeti, na masahi gavatumekiri vosi va Yahova, mmu kono gwa Jezebeli.

Ayubu 13:24

Kigira ki u visi mmoni mumwo, Nokuvola ku inze kuva musigu wowo

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 58:10

Wobulungi a la sangala lwa a lola livanza kisalya: A la singa virenge vivye mmasahi ga vadamano.

Zaburi 65:3

Makuva agobukyamu ga li netsingulu ku inze: Aga mahyolo getu, ive u la ga sameha.

Zaburi 79:10

Kigira ki avetsihiri va nyala ku vola, Nyasaye wavo a veye haliha? Livanza kisalya kyamasahi ga avatumekiri vovo ga sundukanga Li manyekana ku avetsihiri mmoni mwetu.

Zaburi 79:9

U ku konye, O Nyasaye wobuho nywi bwetu, kigira ubukumi bwelieta lilyo; U ku honnye, na u ku samehe ubwoni bwetu, kigira lieta lilyo.

Zaburi 85:1

O Yahova wa vera tsimbabasi kivala kikyo; Wiranyi lilanywa lya Yakobo.

Zaburi 85:3

U twulidzi ubutima bubwo bwosi; Wetwulidzi mwene ku ubululu bwobutima bubwo.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 1:25

nda girunkannya mukono gwange gu ve ku ive, na nda seredza ligali amandu gogo, nda twulidza lukakala lwosi lwa handa ku ifetha yoyo;

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 19:23

Mu lidiku yilyo lihasi li la va ho kutwula Egepeti kuduka Asuria, na Muasuria a lingira Egepeti, na Muegepeti a lingira Asuria; na Avaegepeti va la sigamira halala na Vaasuria.

Isaya 19:25

kigira Yahova wa mahe u va gasidzi, na a vola, Va gasidzwe Egepeti avandu vange, na Asuria miyinzi gyamakono gange, na Israeli miyandu gyange.

Isaya 44:22

Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

Isaya 60:6

Ubunyingi bwetsing'amia bu la ku kunika, netsing'amia tsisoleli tsya Midiani na Efa; vosi va twula Sheba va ladza; va la leta ithahabu nekimuli, na va lilwadza lidzominya lya Yahova.

Isaya 66:10

Mu sangala halala na Yerusalemi, muyanzi kulyo, mwinye vosi va mu yanza: mu sangale nobuyanzi halala nalyo, mwosi ava syomanga kulyo;

Jeremia 13:14

Nda va duyannya, kali avadada navana halala, Yahova a vola: na si nda vererera kandi si nda lekera, kandi si nda va netsimbabasi, kuduka ndeke kuvadividza.

Jeremia 51:36

Kigira yaga Yahova a vola ndi: Henza, nda sola likuva lyange, na nda ku vanzira kisalya; nda kaminya inyanza yeye, na nda kaminya kise nukiru kya madzi kikye.

Lisyoma lya Jeremia 2:5

Yahova u gwiye kuli musigu, u miri Israeli; U miri tsinyumba tsitsye tsyosi tsyobwami, nokudividza tsimpinga tsitsve Kandi mu mukana wa Yuda u medi lisyoma nokwiduya viritu.

Ezekieli 16:63

u duke kwidzulitsa, nokutimuka enkolo, u vule kukunula munwa gugwo kandi, kigira tsisoni tsya u veye natsyo, lwa nku sameha yaga gosi aga wa kola, Mwami Nyasaye a vola.

Ezekieli 25:14

Na nda vika kisalya kyange ku Edom nomukono gwavandu vange sraeli; na va la kola mu Edom kuli ubutima bwange nelivihirirwa lyange; na va la manya kisalya kyange, Mwami Nyasaye a vola.

Luka 19:27

Navutswa avasigu vange yava ava ta yanza inze nzamihe kuvo, mu va lete hano, mu viitire imbiri wange.

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Varumi 12:19

Mu ta vanza kisalya mba, avayanze vange, navutswa mu lekere ubutima bwa Nyasaye bwiyangu: kigira ga ng'odwa, Kisalya ni kyange; inze mwene nda vanza, Mwami a vola.

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

Likunula 15:2

Kandi nda lola kuli inyanza yechupa ya tsukanywa nomuliru; navo ava guuta ni va twula ku inyama uyu, noku kifwananyi kikye, noku hesabu yelieta lilye, va li va singiye ku inyasi yenyanza yechupa yeyo, va veye nobukana bwa Nyasaye.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 18:2

Kandi ya hanzuka no mwoyo gwetsingulu, na a vola, Babuloni linene, li gwiye, li gwiye, nokugwa kivuganiru kyamademone, habuhambe bwa roho gyosi mudamano, nobuhambe bwamanyonyi madamano na gokuvihiririhidza.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.

Likunula 6:10

navo va lira nomwoyo munene, ni va vola Mwami mutakatifu noweligali, kuduka inyinga ki, ive u vuli kukalaga nokuvanza kisalya kya masahi getu ku va menya mu lirova?