Kwidzulitsa 32:39 - KITABU KITAKATIFU

³⁹ Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Kwidzulitsa 32:39 ပူးပေါင်းရင်းမြစ်များ

2 Avami 20:5

Yirana, u volere Hezekia mwimiriri wavandu vange: Yahova, Nyasaye wa guga wowo Daudi, a vola, Mbuliye lisaala lilyo, na maliga gogo nga loli: henza, nda ku honnya; lidiku lya kavaka u lanegira u tsie mu inyumba ya Yahova.

2 Avami 5:7

Ga duka, lwa mwami wa Israeli ya soma ibaruwa zana, hene yaho ya tandula tsingubo tsitsye, na a vola, Inze, mbeye Nyasaye, kwiita nokusimugukidza, mundu uyu a lete ku inze, mbonnye mundu ubugere bwibwe? Navutswa mu manye, mwadza, mu lole kuli uyu wenyanga lihangala ku inze.

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Ayubu 10:13

Na vindu yivi vyosi wa vi visa mu mwoyo gugwo; Mmanya yaga ga veye halala nive:

Ayubu 10:7

Kali nu u manyi inze si mbeye mudamano, Kandi si ha veye u nyala kuhona ku mukono gugwo?

Ayubu 5:18

Kigira uyu a saliridzanga, kandi a bohereranga; Yatanga ulugoma nomukono gwi gwe gu honnyanga.

Zaburi 102:27

Navutswa ive u veye mulala mwere Na mihiga gyigyo si gyi veye nekiheri mba.

Zaburi 102:28

Avana va avatumekiri vovo va la hindira, Na visukululwi vyavo vi la dinyiridzwa imbiri wowo.

Zaburi 18:31

Kigira ibwaha a veye Nyasaye, na a ta li Yahova? Na ibwaha a veye lwanda, na a ta li Nyasaye wetu,

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Zaburi 51:8

U nkole kuhulira ubusangali nobuyanzi, Vigumba vya wa vunannya vi duke kusangala.

Zaburi 68:20

Nyasaye a veye ku kwinye, Nyasaye wobuhonnyi; Yahova Mwami a veye mwene lihonnya mu likudza.

Zaburi 86:10

Kigira u veye munene, na u kolanga vyokugenva: Ive weng'ine u veye Nyasaye.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 4:7

Ma ya mu volera, U vike mukono gugwo mu ingubo yekiritu kandi. (Naye ya vika mukono mu kiritu kikye kandi: na lwa ya gu twulidza mu kiritu, henza, gwa girukana kandi kuva kuli gundi.)

Kohelethu 3:3

inyi nga yokwiita, nenyinga yokuhonnya; inyinga yokusambula, nenyinga yo kwombaka;

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 43:12

Inze mmali kulandidza makuva, mmali kuhonnya, mmali kuvuula; si ha li nomunyasave mugeni hagati henyu: kigira yaga mwinye mu veye avelolekidzi vange, Yahova a vola, na inze mbeye Nyasaye.

Isaya 43:13

Yee kutwula ku lidiku lya li ho, inze niye, na si ha veye na u nyala kuhonnya ku mukono gwange: inze nda kola miyinzi, ni bwaha u nyala kugyigalira?

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Isaya 46:4

kali kuduka busakulu bwenyu inze niye, kali kuduka inyinga ye tsimbudzi nda mu ginga: inze nda lomba, na nda ginga; yee, nda vugula mwinye, nokumuhonnya.

Isaya 48:12

Hulira inze, O Yakobo, na Israeli mulangwa wange: inze niye; inze mbeye wokutanga, kandi mbeye wekiheri.

Ezekieli 37:12

Kunangwa u profete, u va volere, Mwami Nyasaye a vola ndi: Henza, nda kunula vilindwa vyenyu, nokumutwulidza mu twule mu vilindwa vyenyu, O avandu vange; na nda leta mwinye nokumuvika mu kivala kya Israeli.

Ezekieli 37:3

Na ya mbolera, Ive mwana womundu, vigumba yivi vi nyala kuva mwoyo kandi? Na inze nda tivula, O Mwami Nyasaye, ive u manya.

Hosea 5:14

Kigira nda va kuli king'ang'a ku Efiraim, na kuli king'ang'a kisoleli ku inyumba ya Yuda: inze, yee, inze mwene nda tandula na nda tsia; nda hila ihale, na si ha veye no nyaia kuhonnya.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Yohana 8:24

Yiki ni kigira nda mu volera, Mu la kudzera mu bwoni bwenyu: ni i va mu vula kusuuvira inze niye, mu la kudzera mu bwoni bwenyu.

Kwidzulitsa 32:12

Yahova yeng'ine ya mwimirira, Kandi si ha li nomunyasaye mugeni halala naye.

Kwidzulitsa 4:35

Ga lang'aminywa ku ive, u duke kumanya Yahova niye Nyasaye; si ha veye nowundi na a ta li uyu.

Kwidzulitsa 7:9

Kunangwa u manye Yahova Nyasaye wowo, niye Nyasaye, Nyasaye musuuvirifu, u dukidzanga lilagana netsimbabasi ku va mu yanzanga, ava gumiranga malago gege kuduka makula tsielfu,

Vahebraina 1:12

Kandi kuli ingubo yokwigulu u la vi linga, Kuli ingubo kandi vi la girunkanywa: Navutswa ive u veye kuli u veye, Nemihiga gyigyo si gyi la hera mba.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 2:8

Kandi u ng'odere ingelosi welivugana li veye mu Simurina. Yivi nivyo vya uyu u veye litanga nekiheri, wa gwa mukudzu, na a va mwoyo kandi a volanga:

1 Samweli 2:6

Yahova yiitanga, kandi a kolanga kuva mwoyo: Yikidzanga kuduka mkilindwa, na a letanga igulu.