Kwidzulitsa 32:37 - KITABU KITAKATIFU

³⁷ Kandi a la vola, Avanyasaye vavo va veye haliha Lwanda lwa va suuvira;

Kwidzulitsa 32:37 ပူးပေါင်းရင်းမြစ်များ

2 Samweli 22:3

Nyasaye, lwanda lwange, ndi visa muye; Ingavo yange, nolwiga lwange lwobuhonnyi, nomunara gwange, na hokwivisa hange; A veye muhonnyi wange, u mbonnyi ku kirage.

2 Avami 3:13

Na Elisha ya volera mwami wa Israeli, Mbeye naki ku ive? Tsia ku vaprofeti va dada wowo, noku vaprofeti va mama wowo. Mwami wa Israeli ya mu volera, Auwa; kigira Yahova u vugannyi avami yava vavaka halala ku va vika mmakono ga Moabu.

Kutwula 34:15

gase u la lomba lilagana na avandu vekivala, navo va tsia mu ma buheyi bwe lilonda vanyasaye vavo nokwiitira avanyasaye vavo tsisadaka, na mulala a ku langa, nive u la lia ku isadaka yeye:

Isaya 31:9

Na lwanda lwilwe lu la twula kigira litihidzwa, navanene veve va la tihidzwa kigira ibendera, Yahova a vola, womuliru gwigwe gu veye mu Zioni, namahiga gege mu Yerusalemi.

Jeremia 11:12

Hene yaho madala ga Yuda na ava menyanga Yerusalemi va la tsia nokwanira ku vanyasaye vavo ava va vuyidziranga vimuli: navutswa si va la va honnya mba ku inyinga yekivi kyavo.

Jeremia 2:28

Navutswa avanyasaye vovo va wa lomba va veye haliha? Va vuke, ni va va ni va nyala kukuhonnya inyinga yekivi kikyo: kigira avanyasaye vovo livalidzwa lyavo li leng'ana nelivali dzwa lyamadala gogo, O Yuda.

Jeremia 37:19

Avaprofeti vovo va veye haliha kalunu, ava profetera ive, kuvola, Mwami wa Babuloni si a ladza ku ive mba, kinga ku kivala yiki?

Vakalagi 10:14

Mu tsie mwanire avanyasaye va mwa tovola; va mu honnye inyinga yokunyakana kwenyu.