Kwidzulitsa 32:35 - KITABU KITAKATIFU

³⁵ Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

Kwidzulitsa 32:35 ပူးပေါင်းရင်းမြစ်များ

Litanga 4:23

Na Lameku ya volera avakali veve: Ada na Zilla, hulira mwoyo gwange; Mwinye avakali va Lameku, mu tegidze amatu ku livola lyange: Kigira nziiti wa kuya inze, Na musoleli wa nkindukidza;

2 Samweli 22:48

Kali Nyasaye u mbanziranga kisalya, A gehidzanga avandu isi wange,

2 Avami 9:7

Na u la kuya inyumba ya Ahabu munene wowo, nduke kuvanza masahi gavatumekiri vange avoprofeti, na masahi gavatumekiri vosi va Yahova, mmu kono gwa Jezebeli.

Zaburi 94:1

O Yahova, ive Nyasaye umbanzi wekisalya Ive Nyasaye umbanzi wekisalya, u ng'ereng'ane.

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Tsing'ano 4:19

Inzira yomudamano i fwanananga nekisundi: Si va manya kya vikigitalidza.

Isaya 13:22

Visalong'ongo vi la lokera mu tsimpinga tsyavo, nevibwe mu tsinyumba tsyavo tsyobukumi tsyokuyanzidza: netsinyinga tsyalyo tsi veye himbi kuduka, na madiku galyo si ga la medwa livalidzwa.

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Isaya 60:22

Mukekeke a la gwa elfu, na mulala mukekeke a la va ihiri yetsingulu: Inze, Yahova, nda kola bwangu inkuva yiyi ku inyinga yayo.

Isaya 8:15

Na vanyingi va likigitala ho, nokugwa, nokuvunika, nokugumirwa, nokuhambwa.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 23:12

Kunangwa kigira yaga inzira yavo i la va kuvo kuli ha va terera mu kisundi: va la komololwa va tsia imbiri nokugwa muyo; kigira inze nda leta ubudamano kuvo, li vola li veye, muhiga gwelidukirwa lyavo, Yahova a vola.

Jeremia 51:56

kigira mudividzi u duki kuye, ku Babuloni, navaluviriri veve va gumeywi, ubuta bwavo bu vuniki; kigira Yahova a veye Nyasaye uelitunga, ligali a la tunga.

Jeremia 6:21

Kigira yaga Yahova a vola ndi, Henza, nda vika kyokwikigitalidza imbiri wavandu yava; avadada halala navana vavo va likigitala kukyo, mutende nomulina wewe va la diva.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Ezekieli 7:5

Mwami Nyasaye a vola ndi: Ubudamano, ubudamano bwere; henza, budzanga.

Hosea 13:12

Budamano bwa Efiraim bu boheywi; ubwoni bwibwe bu vikeywi akiba.

Kyavalevi 19:18

U ta vanza kisalya, kandi u ta va nobusigu ku avana va avandu vovo; navutswa u la yanza mutende wowo kuli weyanza: inze mbeye Yahova.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Habakuk 2:3

Kigira malola yaga kali kalunu ga veye genyinga ya lagwa, na ga kolanga bwangu kuduka ku kiheri, na si ga la vola ububehi mba: kali ni ga lindagira, u ga lindirire; kigira ligali ga ladza, si ga la lindagira mba.

Varumi 12:19

Mu ta vanza kisalya mba, avayanze vange, navutswa mu lekere ubutima bwa Nyasaye bwiyangu: kigira ga ng'odwa, Kisalya ni kyange; inze mwene nda vanza, Mwami a vola.

Varumi 13:4

kigira a veye mutumwa wa Nyasaye ku ive kigira ubulahi. Navutswa ive nu u kola ubudamano, u tie; kigira si a gendera vutswa kivavi: kigira a veye mutu mwa wa Nyasaye, uyu wa mala kisalya kyobutima ku uyu wa kola ubudamano.

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.

Vahebraina 10:30

Kigira ku manya uyu wa vola, Isira ni yange, nda tunga. Kandi agandi, Mwami a la kalagira avandu veve.

1 Petro 2:8

Kandi, Ligina lyokwikigitalidza, nolwanda lwokwikigitalidza; Kigira vikigitala ku likuva kigira va vula kubugirira: ava vikwa va duke ku likuva yilyo.

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.

1 Samweli 26:10

Kandi Daudi ya vola, Kuli Yahova a veye mwoyo, Yahova a la mu duya; kinga lidiku lilye lyelikudza li la duka; kinga a la sulunguta mbulwani, na a la diva.