Kwidzulitsa 32:25 - KITABU KITAKATIFU

²⁵ Kyova kivavi ki la vononya, Mu inyumba litihidza; Vyononya mwana muyai nomwana mukana, U nunanga, halala nowetsimbudzi.

Kwidzulitsa 32:25 ပူးပေါင်းရင်းမြစ်များ

2 Avami 7:5

Ma va vuka isi ni kikiri imwamu, va tsia kuduka mu hokusosa ha Vasiria; na lwa va duka mu hokusosa ha Vasiria ho kutangira, henza, si ha veye ho nomundu.

2 Kyetsinyinga 36:17

Kunangwa ya leta kuvo mwami wa Vakalidei, wiita vasoleli vavo nekivavi mu inyumba ya hatakatifu havo, na si va li nelivererera ku vaso leli avekiyai kinga avekikana; kinga ku mundu u duki, kinga musakulu: yavo vosi ya va vika mmukono gwigwe.

Isaya 30:16

navutswa mwa vola, Auwa, kigira kulirukira ku tsiparasi; kunangwa mu liruka ligali: kandi, Ku la nina ku tsinyama tsyetsimbiru; kunangwa yavo va mu londerera va la va avetsimbiru.

Jeremia 44:7

Kunangwa kalunu Yahova, Nyasaye wa mahe, Nyasaye wa Israeli, a vola ndi: Kigira ki mwinye mu kola budamano yibu bunene ku myoyo gyenyu avene, kutwulidza ku mwinye musatsa nomukali, mwana mudoto na uyu u nunanga, mu twulidzwe hagati ha Yuda, mu vule kulekerwa mundu u tigala kali mulala;

Jeremia 44:8

kigira mn a vihiriridza inze nevikolwa vyamakono genyu, ni mu vuyidzira avanyasaye vandi vimuli mu kivala kya Egepeti, kya mwa tsia kumenya mu avageni; mu duke kutwulidzwa, mu ve li laamwa na manyego mu tsihiri tsyosi tsyo mu lirova?

Jeremia 9:21

Kigira likudza li nini kwingira mu madirisha getu lingiye mu tsinyumba tsyetu tsyo bwami; kuduka kukalaga nokutwu lidza avana kyova, navasoleli vayai ku tsinzira.

Lisyoma lya Jeremia 1:20

Henza, O Yahova; kigira mbeye mu lidambidzwa, mwoyo gwange gu kaliki; Mwoyo gwange gu gwirani mu inze; kigira nzebaaye nobululu: Kyova kivavi kiitanga avana, mu nyumba mu veye kuli likudza.

Lisyoma lya Jeremia 4:4

Lulimi lwendanya i nunanga lu handirani mu kikalakula kigira ubuluhu: Avana vadoto va saavanga ubukima, na si ha veye nomundu u va megeranga.

Ezekieli 7:15

Kivavi ki veye kyova, nobulwaye nenzala vi veye mugati: u veye kyova mu mulimi a la kudza nekivavi; na u veye mu lidala, inzala nobulwaye bu la mu lia.

Hosea 11:6

Na kivavi ki la gwa ku madala gavo, nokusamba vihaniru vyago, nokuvalia, kigira makuva gavo avene.

Hosea 9:12

Kali ni va kulidza avana vavo, inze nda va visa avana vavo kuduka a vule kuva ho mundu mulala u tigala: yee, O bayaye kuvo lwa ntwula kuvo kuvaleka

Hosea 9:16

Efiraim u duyeywi, kitinya kyavo kyumi, va la vula kwama makuyu kali lilala: yee kali ni vama inze ndiita lyama lyenda yavo li yanzangwa ligali.

Kyavalevi 26:25

Na nda leta kivavi ku mwinye, ki li vanza kisalya kyelilagana; na mu la vuganywa halala mu madala genyu: na nda leta a lukudzo ludamano hagati henyu; na mwinye mu la vikwa mu mukono gwa avasigu venyu.

Mika 6:14

U la lia, navutswa u la vula kwiguta, noluhongo lu la va muunda mumwo: na u la vikwa haluvega na si u la hona; na kya u ginga nda ki haana ki ve ku kivavi.

2 Vakorintho 7:5

Kigira, lwa kwa duka Makedonia, mibiri gyetu si gya lola ubwiyangu kali hakuzu, navutswa kwa saliridzwa tsimbega tsyosi; ikyova lya li lihe, na mugati bwa li ubutii.