Kwidzulitsa 32:22 - KITABU KITAKATIFU

²² Kigira muliru gu fwaneywi mbutima bwange, Gwakanga kuduka mu Kihadisi kyoluliva, Nagwo gu liye lirova halala nelimedeka lyalyo, Nokwadukidza muliru ku mise gyevigulu.

Kwidzulitsa 32:22 ပူးပေါင်းရင်းမြစ်များ

Zaburi 144:5

O Yahova, winaminye ligulu lilyo, wike: U dire vigulu navyo vi la vuya mwoki.

Zaburi 21:9

U la va kola kuli kisambiru kyomuliru inyinga yobutima bu bwo: Yahova a la va mira mu butima bwibwe Na muliru gu la va lia.

Zaburi 46:2

Kunangwa si ku la tia, kali lirova li girunkanywa, Na vigulu vi degeridzwa mugati mwenyanza;

Zaburi 83:14

Kuli muliru gu sambanga mulitu Na kuli ulumemo lwaakidza vigulu,

Zaburi 86:13

Kigira tsimbabasi tsitsyo tsi veye tsinene ku inze; Na u honnyi mwoyo gwange kutwula mu Kihadisi kya hasi ligali.

Zaburi 97:3

Muliru gu mwimiriranga, Na gu sambanga avasigu veve hosi.

Isaya 24:6

Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Jeremia 15:14

Na nda va hile va tsia halala navasigu vavo, vingira mu kivala kya u ta manya: kigira muliru gu fwanyeywi mu butima bwange, gu la dedima ku ive.

Jeremia 17:4

Na ive, kali ive mwene, u la lekana nemiyandu gyigyo gya nda ku ha; nda niga ive u tumekire avasigu vovo mu kivala kya u ta manya: kigira mwa fwana muliru mu ubut ma bwange gu la dedima kazozo.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Lisyoma lya Jeremia 2:2

Yahova u miri ubumenyo bwosi bwa Yakobo, na si ya li netsimbabasi mba: Tsimpinga tsyomukana wa Yuda ya tsi sambula mu butima bwibwe; U tsi tsomi kuduka hasi; u viki ubudamano ku bwami noku vanene vabwo.

Lisyoma lya Jeremia 2:3

Lwiga lwosi lwa Israeli u lu kalagi mu butima bwibwe bululu; Wirannyi mukono gwigwe mulungi inyima gu vuli kuva imbiri wa avasigu: U sambi Yakobo kuli muliru gu dedimanga, u gu sambanga tsimbega tsyosi.

Lisyoma lya Jeremia 2:4

U nyiye ubuta bwibwe kuli musigu, u singiye nomukono gwigwe mulungi kuli mudambidzi, Na wiiti vosi ava loleka kuva avokuyanzidza imoni: Mu lihema lyomukana wa Zioni u tsuki ubutima bwibwe kuli muliru.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 19:12

Navutswa muzabibu gwifwa mu butima, gwa tuulwa hasi, nembuudza yevugwi yominya makuyu gagwo: nevisala vyagwo vyetsingulu vya vunika, na vyuma; nomuliru gwa vi samba.

Ezekieli 22:21

Yee, nda mu vungidza halala, na nda fwana ku mwinye umuliru gwelivihirirwa lyange, na mu la saluluka hagati homuliru zana.

Ezekieli 36:5

kigira yaga Mwami Nyasaye a vola ndi: Ligali mmali kuvola ku litigala lyetsihiri mu muliru gwelikendeka lyange, noku Edom, tsihiri tsyevuguliye tsyene kivala kyange va ve nakyo kuva miyandu gyavo ku buyanzi bwemyoyo gyavo gyosi, nomwoyo gwokulega, kukita kyova ki ve kilanye.

Ezekieli 38:19

Kigira mu likendeka lyange nomu muliru gwo butima bwange mboye, Ligali mu lidiku yilyo ha la va nelidegera linene mu kivala kya Israeli;

Kyavalevi 26:20

na tsingulu tsyenyu tsi la gota vutswa; kigira kivala kyenyu si ki lama limedeka lyakyo, na misala gyekivala si gyi lama makuyu gagyo.

Amosi 5:6

Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli.

Amosi 7:4

Mwami Nyasaye ya mbuulira yili: na, henza, Mwami Nyasaye ya langa kuhing'ana nomuliru; nagwo gwa samba luliva lunene, kandi gwenya kusamba kivala kyumu.

Mika 1:4

Kandi vigulu vi la yinguka isi wewe, na mavona ga latanywa, kuli masang'asa imbiri womuliru, kuli amadzi ga sundulwa ku yongovera ku kisulungutu.

Habakuk 3:10

Viguli vya ku lola, na vya tia; Kihi kyamadzi kya vita; Luliva lwa ginga mwoyo gwalwo, Nokuginga makono galwo igulu.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Livalidza 16:33

Kunangwa yavo na vosi ava li navo, halala na vindu vyavo vyosi, vika mu bogo ni va veye mwoyo: na marova ga va kunika, na va diva kutwula mu livugana.

Livalidza 16:35

Kandi muliru gwa twula ku Yahova, na gwa samba avandu tsimia tsiviri na makumi gatano ava vuvidza kimuli.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Matayo 18:9

Kandi imoni yoyo ni i kwikigitalidza, u gi hudule u gi syuve: ubulahi bwokwingira mu liva mwoyo ni kilivi bu vita kuva netsimoni tsiviri nive u sikiswe mu igehena yomuliru.

Matayo 23:33

Tsinzoka mwinye, avana vevihirigoma, mu la hona naki mu likalagirwa lyegehena?

Kwidzulitsa 29:20

Yahova si a li msameha, navutswa inyinga yeyo ubutima bwa Yahova nelikendeka lilye vi la vuya mwoki ku mundu uyu, nevilaamo vyosi vya ng'odwa mu kitabu yiki vi la menya kuye, na Yahova a leya lieta lilye isi weligulu.

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 12:29

kigira Nyasaye wetu a veye muliru gu sambanga.