Kwidzulitsa 32:21 - KITABU KITAKATIFU

²¹ Va vukidza likendeka lyange nevindu vi ta li Nyasaye; Va vukidza inze ubutima bwange ku vindu vyavo vya vutswa: Na inze nda va kendekidza nayavo ava ta li avandu; Nda vukidza livihirirwa lyavo nehiri isiru.

Kwidzulitsa 32:21 ပူးပေါင်းရင်းမြစ်များ

1 Avami 14:22

Avandu va Yuda va kola budamano imbiri wa Yahova, na va mu kendekidza nobwoni bwavo bwa va kola, kuvita bwosi bwa vaguga vavo va kola.

1 Avami 14:9

navutswa u mali kukola budamano kuvita vosi avimira imbiri wowo, na ive wa tsi? Kwelombera avanyasaye vandi, nevifwananyi vyokutulwa, kuduka kumbihiriridza, na wa nta inyima womugongo gugwo:

1 Avami 16:13

kigira ubwoni bwosi bwa Baasha, nobwoni bwomwana wewe Ela, bwa va kola, nobwa va gotidzira ku Israeli, kuvihiriridza Yahova, Nyasaye wa Israeli, nevyavutswa vyavo.

1 Avami 16:26

Kigira ya genda mu inzira yosi ya Jeroboam mwana wa Nebati, nomu bwoni bwibwe bwa ya gotidzira ku Israeli, kuvihiriridza Ya hova, Nyasaye wa Israeli, ku vyavu tswa vyavo.

2 Avami 17:11

na va vuyidza vimuli mu hadiguluku hosi, kuli avetsihiri va kola tsya Yahova ya twulidza imbiri wavo, na va kola ubudamano ku vihiriridza Yahova;

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

2 Avami 21:6

Na ya vitidza mwana wewe muyai hagati homuliru, na ya ng'olera ku malesi, na ya kola busegetiri, na ya tsia ku avevigingi vya syukira, na vakumu: ya kola budamano bunyingi imbiri wa Yahova, kurnuvihiriridza.

2 Avami 22:17

Kigira va leka inze, na va vuyidza vimuli ku vanyasaye vandi, va duke kumbihiriridza nemiyinzi gyosi gyamakono gavo; kigira yaga ubutima bwange bu laaka hano, nabwo si bu la siminywa mba.

Zaburi 31:6

Ndunyira yavo ava gumira vyavutswa vyobubehi; Navutswa inze nsuuvira Yahova.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Isaya 65:3

va veye avandu mbihiridzanga kazozo imbiri wetsimoni tsyange, ava haananga vihaanwa mu milimi gyavo, nokuvuyidza vimuli ku matafali,

Jeremia 10:8

Navutswa va veye kuli tsinyama nobusiru halala: lyegidza lyevifwananyi li veye kitinya kyomusala vutswa.

Jeremia 14:22

Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.

Jeremia 18:15

Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Jeremia 2:11

Ihiri ya girunkannyaa avanyasaye vavo, ava ta veye avanyasaye? Navutswa ava ndu vange va girunkannya ubukumi bwavo ku kya vutswa.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Jeremia 7:18

Avana ka tenyanga tsinku, na vadada vavo va fwananga muliru, navakali va luganga ubukima, va duke kulombera mwami wekikali womigulu mikati, nokutsuka vihaanwa vyokunwa ku vanyasaye vandi, va duke kumbihiriridza.

Jeremia 8:19

Henza, mwoyo gwelilira lyomukana wavandu vange gu twulanga mkivala kye ihale ligali: Yahova si a veye mu Zioni? Mwami walyo si a veye mulyo? Kigira ki va vukidza ubutima buange nevifwananyi vyavo vya vadzwa, noku vindu vya vutsua vyobugeni?

Ezekieli 8:3

Naye ya nyira lifwana lyomukono, nokugumira inze ku luyove lulala lwelisu lyoku mutwe gwange; na Roho ya ng'inga hagati helirova neligulu, na ya mbilira mu malola ga Nyasaye kuduka Yerusa lemi; kuduka ku muliangu gwekiribwa kyomugidzi gwomugati gu henza ku luvega lwa kasikasini; ha zana ya li ho intebe yekifwananyi kyelikendeka, ki vukidzanga likendeka.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Jona 2:8

Yava ava henza vyabutswa vyobubehi Veyahula neliverererwa lyavo avene.

Vikolwa 11:15

Na lwa nda tanga kuvola, Roho Mutakatifu yika kuvo kuli wa ya tanga kwika ku kwinye lwambiri.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Varumi 10:19

Navutswa nteva, Avaisraeli si va manya? Kutanga Musa a vola, Nda mu kendekidzira ava ta li ihiri, Kandi nda mu vihiriridzira ihiri i ta li nelimanya.

Varumi 9:25

Kandi kuli a vola mu kitabu kya Hosea, Nda langa yava avandu vange ava vula kuva avandu vange; Kandi u vula kulangwa muyanze, nda mu langa muyanze.

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 32:16

Va mkendekidza ku vanyasaye vageni; Na mavihiriridzo va mvihiriridza.

Kwidzulitsa 32:17

Va haana vihaanwa ku mademoni, ga ta li Nyasaye mba, Ku vanyasaye va va ta manya, Ku vanyasaye vahya va senuki bwangu ndi, Ava vaguga venyu va vula kutia.

1 Samweli 12:21

mu ta girunkana ha luvega; kigira inyinga yeyo mu la londa vindu vya vutswa, vi ta nyala kumukonya, kinga kumuhonnya, kigira ni vya vutswa.