Kwidzulitsa 32:15 - KITABU KITAKATIFU

¹⁵ Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:15 ပူးပေါင်းရင်းမြစ်များ

2 Samweli 22:47

Yahova a veye mwoyo; lwanda lwange lu gasidzwe; Na a nenehidzwe Nyasaye, lwanda lwobuhonnyi bwange,

1 Kyetsinyinga 5:25

Na va tinguha ku Nyasaye wavaguga vavo, ni va tsia kuheya ku lilonda avanyasaye vavandu vekivala yikyo, ava Nyasaye ya dividza va twula imbiri wavo.

2 Kyetsinyinga 12:1

Na ga duka, lwa ubwami bwa Rehoboam bwa dinyeridzwa, naye ya nyola tsingulu, ya leka lilaga lya Yahova, na Israeli vosi halala naye.

2 Kyetsinyinga 26:16

Navutswa lwa ya mala kunyola tsingulu, mwoyo gwigwe gweginga, na a kola ubudamano, nokuhyola ku Yahova Nyasaye wewe; kigira yingira mu litempeli lya Yahova a duke ku vuyidza ku bwali bwokuvuyidza vimuli.

Nehemia 9:25

Na va vugula madala gavo getsingaga, neki vala kinolu, navo va nyola tsinyumba tsizula vindu vilahi vyosi, nevidaho vya yavwa, nemilimi gyemizabibu nemilimi gyemizeituni, nemisala gyamakuyu manyingi ligali: na va lia, nokwiguta, na va komera, nokwesa ngalidza mu bulahi bubwo bunene.

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Ayubu 15:27

Kigira ya kunika mmoni mwimwe nobukomeru bwibwe, Nokunetidza amaguta mu kikenge kikye;

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 119:70

Mwoyo gwavo gu komera kuli maguta; Navutswa inze nsangalira mu itorati yoyo.

Zaburi 17:10

Mwoyo gwavo mudamano va hani ligali: Nomunwa gwavo va vola agobuhaga.

Zaburi 18:46

Yahova a veye mwoyo; na lu gasidzwe lwanda lwange; Nyasaye wobuhonnyi bwange a nenehidzwe.

Zaburi 73:7

Va himbuki tsimoni tsyavo kigira likomera lyavo: Vya va veye navyo vi viti lyenya lyemyoyo gyavo.

Zaburi 81:11

Navutswa avandu vange si va hulira mwoyo gwange; Na Israeli si venya inze.

Zaburi 89:26

A lanira ku inze, Ive u veye dada wange, Nyasaye wange, na ulwanda lwobuhonyi bwange.

Zaburi 89:27

Kandi nda mu kola kuva wokutanga kwivulwa wange, Na munene ku avami velirova.

Zaburi 95:1

Gendi, Kwimbire Yahova; Ku kupire lwanda lwobuhonnyi bwetu isango.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 44:2

Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 6:10

Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Jeremia 2:5

Yahova a vola, Avaguga venyu va loli ubukyamu ki mu inze, kuduka ni va tsia ihale ku inze, nokulonda vindu vya vutswa, navo va gwa avavutswa?

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Ezekieli 14:5

nduke kugumira inyumba ya Israeli mu myoyo gyavo avene, kigira veyahuye ku inze ku vifwananyi vyavo.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 4:7

Kuli limedeka lyavo, ni ndiyo kandi mahyolo gavo ku inze ga leng'ana nalyo: nda girunkannya ubukumi bwavo bu duke kuva tsisoni.

Vikolwa 28:27

Kigira mwoyo gwa vandu yava gu gwiye mudamano, Kandi amatu gavo ga hani, Kandi tsimoni tsyavo va mwolidzi; Gase va la lola netsimoni tsyavo, Kandi gase va la hulira namatu gavo, Kandi gase va la manya nomwoyo gwavo, Veganire, Mba honnye.

Vikolwa 9:5

Naye ya teva, Ive ni bwaha, Mwami? Naye ya tivula, Inze ni Yesu wa ive u dambidza: kigira nobudinyu ku ive kulasa luvasi ku kivambo.

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Kwidzulitsa 32:6

Lisantidza lya mu hedzanga Yahova ni yili, Mwinye avandu avasiru, ava ta li nobugeeri? Si a li dada wowo wa ku gula? Niye wa ku lomba, nokukudinyeridza.

Kwidzulitsa 33:26

Si ha veye nofwanana na Nyasaye, O Jeshurun, Udzanga u nini igulu migulu ku likonywa lilyo, Noku malesi mu ubukumi bwibwe.

Kwidzulitsa 33:5

Ya li mwami mu Jeshurun, Inyinga mitwe gyavandu va vugani Tishiri tsyosi tsya Israeli halala.

Vakalagi 10:6

Navana va Israeli va kola ubudamano kandi imbiri wa Yahova, na va tumekira Vabaal, na Ashitarothu, navanyasaye va Siria, navanyasaye va Sidone, navanyasaye va Moabu, navanyasaye vavana va Amon, navanyasaye va Vafilisiti; na va leka Yahova, va vula kumutumekira.

1 Samweli 2:29

Kunnngwa kigira ki mu lasanga luvasi ku kihaanwa kyange, nekisyuviriru kyange, vya nda laga mu hokumenya hange, no widzominya avana vovo kuvita inze, nokwekomeridza nevihaanwa vilahi vyavandu vange Israeli?