Kwidzulitsa 32:14 - KITABU KITAKATIFU

¹⁴ Maguta geng'ombe, namaveere ge kyayo, Halala namaguta gavana vamagondi, Namagondi makole ge Kibashan, netsimbuli, Halala nobulahi bwengano; Ku masahi gamazabibu wa nwa iwaini.

Kwidzulitsa 32:14 ပူးပေါင်းရင်းမြစ်များ

Litanga 18:8

Kandi ya vugula maguta, na maveere, na kimoli kya ya lomba, na a va vikira imbiri wavo; naye ya singira himbi kuvo mmusala, na va lia.

Litanga 49:11

A bohanga kimoli kyesukiri kikye ku muzabibu, Na kimoli kyesukiri kikye ku muzabiibu mutovole; Yogidzi tsingubo tsitsye newaini, Kandi tsingubo tsitsye mu masahi gamezabibu:

2 Samweli 17:29

nobwuki, namaguta geng'ombe, namagondi, netsinkonye tsyuminywa, va duke kulia: kigira va vola, Avandu yava va veye nenzala kandi va luhi, na va veye nobululu migendanyama.

Nehemia 9:25

Na va vugula madala gavo getsingaga, neki vala kinolu, navo va nyola tsinyumba tsizula vindu vilahi vyosi, nevidaho vya yavwa, nemilimi gyemizabibu nemilimi gyemizeituni, nemisala gyamakuyu manyingi ligali: na va lia, nokwiguta, na va komera, nokwesa ngalidza mu bulahi bubwo bunene.

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Ayubu 20:17

Si a la lola migera gyamadzi, Migera gyobwuki namaguta gi vitanga bwangu.

Ayubu 29:6

Tsinyinga yitsyo tsinduvatiru tsyange tsyogidzangwa namaguta, Na lwanda lwa tsuka ku inze migera gyamaguta

Zaburi 147:14

A kola tsinzako kuva mirembe; A kwigutidzanga nengano indahi ligali.

Zaburi 22:12

Tsigiriki tsinyingi tsi nkumbiridzi; Tsigiriki tsyetsingulu tsya Bashan tsi veye tsimbega tsyosi.

Zaburi 81:16

Naye nkano a va lageridza ubunolu bwengano; Nokukwigutidza nobwuki bwomulwanda.

Isaya 7:15

Maguta nobwuki a la lia, lwa a manya kusula ubudamano, nokutovola ubulahi.

Isaya 7:22

na ga la duka kigira mitugu yigyo gyi la va namaveere manyingi, a la lia maguta: kigira ku vosi u li lekwa mu kivala yikyo a la lia maguta nobwuki.

Ezekieli 39:18

Mu la lia inyama yavobunyali, nokumba masahi gavanene velirova, na gama gondi makole, na gavana vamagondi na getsimbuli, na getsigiriki, vyosi vi veye vinetu vya Bashan.

Hosea 11:4

Nda va kwesa nemigoye gyomundu, mu liboha lyobuyanzi; na nda li kuvo kuli yavo ava twulidza inira ku tsisaya tsyavo; na nda vika vyokulia imbiri wavo.

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Mika 7:14

U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale.

Livalidza 18:12

Ubunolu bwosi bwa maguta, na ubunolu bweligesa lyomuzabibu, na bweligesa lyobuswage, na ubuhya bwavyo bwa va ha Yahova, inze mrnali kuha ive.

Kwidzulitsa 28:47

Kigira wa vula kutumekira Yahova Nyasaye wowo nobuyanzi, nobusangali bwomwoyo, kigira ubunyingi bwevindu vyosi:

Likunula 14:20

Kandi kinu kya duvulirwa ikyova welidala, kandi amasahi ga twula mu kinu kuduka ku majamu getsiparasi, kuduka tsimaili tsimia tsiviri.

Vakalagi 5:25

Ya teva amadzi, na ya mu ha amaveere Ya mu letera amaguta mu kituva kilahi