Kwidzulitsa 32:10 - KITABU KITAKATIFU

¹⁰ Ya mu nyola mu kyangalangwi, Mu kyangalangwi kyere kukutihidza Ya mu kumbiridza, na a mu linda, Ya mu linda kuli indolelo yemoni.

Kwidzulitsa 32:10 ပူးပေါင်းရင်းမြစ်များ

Esther 6:13

Na Haman ya volera Zereshu mukali wewe na valina veve vosi gosi aga mu gwira. Ma ava geeri veve, na Zereshu mukali wewe va mu volera, Mordekai na a va na veye Muyuda, wa u tangi kugwa imbiri wewe, si u li nyala kumuguuta, navutswa ligali u la gwa imbiri wewe.

Zaburi 107:40

A tsuka lilega ku avanene, Na a va gendidza hatswa, ha ta li nenzira.

Zaburi 17:8

U ninde kuli indolero yemoni; U mbise isi wekiriri kyetsimbaha tsitsyo,

Tsing'ano 7:2

U gumire amalago gange na u ve mwoyo; U gumire lilaga lyange kuli u linda indolero yemoni yoyo.

Lwimbu lwa Solomoni 8:5

Ni bwaha uyu mukali wanegiranga kutwula mu kyangalangwi, Ni yesedemi ku muyanze wewe? Isi womuchungwa nda ku vukidza: Ha zana niho ha mama wowo ya lumirwa liluma lilyo Ni ho ha uyu wivula ive ya lumirwa.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 13:11

Kigira ga veye kuli musipi gu hambana nekikenge kyomundu, ni ndiyo inze ndehambannya inyumba yosi ya Israeli nenyumba yosi ya Yuda, Yahova a vola; va duke kuva ku inze avandu nelieta, nelidzominywa, nobukumi, navutswa si va bugirira kuhulira mba.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Ezekieli 16:5

Si ha veye nemoni kali indala ya ku vererera, kukulombera kilala ku vindi yivi, nokukuvererera, navutswa wa tebwa kyova havulavu mu bulimu, kigira liva lilyo lya vihirirwa, ku lidiku lya wivulwa.

Ezekieli 20:36

Kuli nda kalagira avadada venyu mu kyangalangwi kyekivala kya Egepeti, ni ndiyo ndi kalaga mwinye, Mwami Nyasaye a vola.

Hosea 11:3

Navutswa ndegidza Efiraim kugenda nevirenge; nda mu gingira mma kono gange; navutswa si va manya inze nda va honnya.

Hosea 13:5

Nda ku manyira mwigendanyama, mu kivala kyobulu hu bunene.

Zekaria 2:12

Na Yahova a la nyola Yuda kuva miyandu gyigye, kidieli kikye mu kivala kitakatifu, kandi a la tovola Yerusalemi.

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

Varumi 2:18

nokumanya ubulaliri bwibwe, nokuyanza miima gyi veye milahi, nive u duke kwegidzwa mu lilaga,

Varumi 3:2

Li konya ligali ku gosi. Lwambiri kigira va hebwa lilinda lyelivola lya Nyasaye.

Kwidzulitsa 1:19

Ma kwa samula kutwula Horebu, ni ku vita hagati he kyangalangwi kinene yikyo kyosi kyokutihidza kya mwa lola, ku inzira yekivala kyevigulu kya Vaamori, kuli Yahova Nyasaye wetu ya ku laga; kwa duka Kadesh-barnea.

Kwidzulitsa 1:31

na mukyangalangwi, ha wa lola kuli Yahova Nyasaye wowo a ku ginga, kuli mundu a ginganga mwana wewe, ku inzira yosi ha mwa tsia, kuduka hano.

Kwidzulitsa 4:36

Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.