Kwidzulitsa 31:8 - KITABU KITAKATIFU

⁸ Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Kwidzulitsa 31:8 ပူးပေါင်းရင်းမြစ်များ

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

1 Avami 11:38

Na ga la va, ive nu u va nu u hulira gosi ga nku laga, no kugenda mu tsinzira tsyange, noku kola ubulungi imbiri wange, kugumira amalago gange nelilagana lyange, kuli mutumekiri wange Daudi ya kola; nda va halala nive, nda kwo mbakira inyumba yetsingulu, kuli ndombakira Daudi, nda ha ive Israeli.

1 Avami 6:13

Na nda menya hagati ha avana va Israeli, na si nda leka avandu vange Israeli mba.

1 Avami 8:57

Yahova Nyasaye wetu a ve halala na kwinye, kuli ya li halala navaguga vetu: a ta ku leka mba, kandi a ta ku syuva mba;

1 Kyetsinyinga 22:13

Hene yaho u la gasidzwa, nu u va nu wiguluhidza kudukidza lilagana nelikalaga lya Yahova ya laga Musa ku Israeli: u ve wetsingulu, nowekilema mwoyo; u ta tia mba kandi u ta kudza mwoyo.

1 Kyetsinyinga 28:20

Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

Zaburi 94:14

Kigira Yahova si a lesigana avandu veve, Kandi si a la leka miyandu gyigye.

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Kutwula 33:14

Naye ya vola Liva lyange li la tsia nive, na nda ku ha ubwelemeridzi.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Livalidza 13:9

Ku ihiri ya Benjamini Paliti, mwana wa Rafu.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

Kwidzulitsa 31:23

Na ya ha Joshua mwana wa Nuni lilaga, na a mbolera, U ve umugulu nomuluviriri; kigira u la hila avana va Israeli mu kivala kya nda visuhira: na inze nda va halala nive.

Kwidzulitsa 31:3

Yahova Nyasaye wowo, niye u kwimirira kwambuka; na a la dividza tsihiri yitsi imbiri wowo, na ive u la tsi gumira: Joshua, niye u kwimirira kwambuka, kuli Yahova ya vola.

Kwidzulitsa 31:6

Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.

Kwidzulitsa 9:3

Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

1 Samweli 12:22

Kigira Yahova si a la leka avandu veye kigira lieta lilye linene, kigira ya yanzidza Yahova kukola mwinye mu ve avandu veve mwene.