Kwidzulitsa 31:6 - KITABU KITAKATIFU

⁶ Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

Kwidzulitsa 31:6 ပူးပေါင်းရင်းမြစ်များ

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

2 Samweli 10:12

U ve nobuluviriri, kwelolekidze ku veye avasatsa kigira avandu vetu, kandi kigira amadala ga Nyasaye wetu: na Yahova a kole aga a lolanga kuva malahi.

1 Avami 2:2

Inze ntsitsanga ku inzira yavomulirova vosi: kigira yaga ive u ve wetsingulu, welolekidze mwene kuva mundu musatsa;

1 Avami 6:13

Na nda menya hagati ha avana va Israeli, na si nda leka avandu vange Israeli mba.

1 Avami 8:57

Yahova Nyasaye wetu a ve halala na kwinye, kuli ya li halala navaguga vetu: a ta ku leka mba, kandi a ta ku syuva mba;

1 Kyetsinyinga 22:13

Hene yaho u la gasidzwa, nu u va nu wiguluhidza kudukidza lilagana nelikalaga lya Yahova ya laga Musa ku Israeli: u ve wetsingulu, nowekilema mwoyo; u ta tia mba kandi u ta kudza mwoyo.

1 Kyetsinyinga 28:10

Kunangwa u gelihe; kigira Yahova u ku tovoye kumwombakira inyumba ya hatakitifu: u ve mugulu, u gi lombe.

1 Kyetsinyinga 28:20

Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

2 Kyetsinyinga 32:7

Mu ve avagulu, mu ve avaluviriri, mu ta tia mba kandi mu ta degera mba kigira mwami wa Asuria, kinga kigira kiduma kyosi kya a veye nakyo; kigira ku kwinye ku veye nomunene kuvita ku uyu:

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 27:14

U lindirire Yahova: U ve mugulu, na u leme mwoyo; Yee, u lindirire Yahova.

Zaburi 94:14

Kigira Yahova si a lesigana avandu veve, Kandi si a la leka miyandu gyigye.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Jeremia 1:8

U ta tia mba kigira yavo; kigira inze mbeye halala nive kukuhonnya, Yahova a vola.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Haggai 2:4

Navutswa kalunu u ve mugulu, O Zerubabeli, Yahova a vola; kandi i ve ive mugulu, O Joshua, mwana wa Jehozadaku, musalisi munene; na mwinye avandu avekivala mwosi mu ve avagulu, Yahova a vola, mu kole miyinzi: kigira inze mbeye halala nemwinye, Yahova wa mahe a vola,

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

Livalidza 13:20

na kivala kyene kuli ki veye, ni ki va ni ki veye kinolu kinga ki veye kidamano, ni ki va ni ki veye nemisala naho mba. Na mwinye mu ve nobuluviriri, nokuleta ku makuyu gekivala. Na inyinga yiyo ya li inyinga yelitanga kwenga lyamazabibu.

Livalidza 13:9

Ku ihiri ya Benjamini Paliti, mwana wa Rafu.

Livalidza 14:9

Navutswa mu ta hing'ana na Yahova, kandi mu ta tia avandu vekivala; kigira va veye ubukima bwetu: na kiriri kyokukinga kyavo kya twulidzwa kuvo, na Yahova a veye halala na kwinye: mu ta va tia mba.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

1 Vakorintho 16:13

Mu linde, mu dinye mu lisuuvira mu ve avasatsa, mu ve avetsinguiu.

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

Kwidzulitsa 1:21

Henza, Yahova Nyasaye wowo u viki kivala yiki imbiri wowo: wanegire, u ki gumire, kuli Yahova, Nyasaye wavaguga vovo, ya ku volera: u ta tia kinga u ta kudza mwoyo.

Kwidzulitsa 1:29

Hene yaho nda mu volera, Mu ta va nobutii, kinga mu ta va tia.

Kwidzulitsa 11:8

Kunangwa mu gumire amalago gosi aga mmu laganga lero, mu duke kuva netsingulu, mwingire kugumira kivala, liya mwambukanga yo kukigumira;

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

Kwidzulitsa 31:23

Na ya ha Joshua mwana wa Nuni lilaga, na a mbolera, U ve umugulu nomuluviriri; kigira u la hila avana va Israeli mu kivala kya nda visuhira: na inze nda va halala nive.

Kwidzulitsa 31:7

Na Musa ya langa Joshua, na a mbolera mmoni mwa Israeli vosi, U ve mugulu nomuluviriri: kigira u lingira navandu yava mkivala kya Yahova yesuhira avaguga vavo a la va ha; na ive u la va lihidza miyandu.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.

Kwidzulitsa 7:18

U ta va tia mba: widzulitse ligali Yahova Nyasaye wowo, kuli ya kola Farao, na Egepeti yosi;

2 Timoteo 2:1

Kunangwa ive, mwana wange, u nyole tsingulu mu tsimbabasi tsi veye mu Kristo Yesu.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 10:25

Na Joshua ya va volera, Mu ta tia mba, kandi mu ta kudza mwoyo, mu ve avagulu na avaluviriri: kigira ni ndiyo Yahova a la kolera avasigu venyu vosi ava mu lwana navo.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

1 Samweli 12:22

Kigira Yahova si a la leka avandu veye kigira lieta lilye linene, kigira ya yanzidza Yahova kukola mwinye mu ve avandu veve mwene.