Kwidzulitsa 31:27 - KITABU KITAKATIFU

²⁷ Kigira mmanya ubutingu bubwo, neligoti lilyo lidinyu: henzi, inze nkikiri myoyo halala nemwinye lero mu gwiye avatingu ku Yahova, nasindi lwa mmala kukudza?

Kwidzulitsa 31:27 ပူးပေါင်းရင်းမြစ်များ

2 Kyetsinyinga 30:8

Ku nangwa mu ta kola magoti genyu madinyu, kuli vaguga venyu mba; navutswa mwivike ku Yahova, mwi ngire hatakatifu hehe, ha ya ta kasa mihiga nemihiga, mu tumekire Yahova Nyasaye wenyu, ubutima bwibwe bululu bu twule ku mwinye.

Nehemia 9:16

Navutswa yavo na vaguga vetu va kola noluyai, na va kola amagoti gavo kuva madinyu, na va vula kuhulira amalago gogo,

Nehemia 9:29

na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

Zaburi 78:17

Navutswa va meda kukola ubwonl kuye Nokuhing'ana ku uyu U Veye Weigulu Ligali, mu kyangalangwi.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Isaya 30:9

Kigira va veye avandu avobutingu, va veye avana va vehanga, va veye avana ava ta hulira amalago ga Yahova;

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Jeremia 5:23

Navutswa yavo va veve nemyoyo gyokugirunkana nokwebaala; va girunkani va tsii.

Ezekieli 20:21

Navutswa avana vebaala ku inze; si va genda mu malago gange mba, kandi si va gumira miima gyange nokugyikola, agomu ndu a va na a kola a la hindira mugo; vononnya masabato gange. Hene yaho nda vola, nda tsuka ubutima bwa nge kuvo, nduke kudukidza ubutima bwange kuvo mukyangalangwi.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Kwidzulitsa 31:26

Mu vugule kitabu yiki kyelilaga, mu ki vike ha luvega helisanduku lyelilagana lya Yahova Nyasaye wenyu, ki duke kuva ho kuli lilolekidza ku ive.

Kwidzulitsa 32:20

Na a vola, Nda visa mumoni mwange kuvo Nda lola kiheri kyavo ki la va ndi: Kigira va veve likula lidamano Avana ava ta li nobusuuvirifu.

Kwidzulitsa 9:13

Yahova ya volera inze kandi, na a vola, Ndoli ihiri yiyi, kandi, henza, i veye ihiri yomwoyo mudinyu:

Kwidzulitsa 9:24

Mwa li nobutingu ku Yahova kutwula lidiku lya nda tanga kumanya mwinye.

Kwidzulitsa 9:4

U ta vola mmwoyo gugwo, lwa Yahova Nyasaye wowo a mala kuvakunga kutwula imbiri wowo, na u vole, Ga veye kigira bulungi bwange Yahova ya mbika kugumira kivala yiki; navutswa ga veye kigira ubudamano bwetsihiri yitsi Yahova ya va kunga va twule imbiri wowo.

1 Samweli 12:15

navutswa ni mu va ni mu vula kuhulira mwoyo gwa Yahova, navutswa mu tinguha lilaga lya Yahova, hene yaho mukono gwa Yahova gu la va ku mwinye, kuli gwa li ku vaguga venyu.