Kwidzulitsa 31:20 - KITABU KITAKATIFU

²⁰ Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Kwidzulitsa 31:20 ပူးပေါင်းရင်းမြစ်များ

Nehemia 9:35

Kigira si va tumekira ive mu bwami bwavo, nomu bulahi bubwo bunene bwa wa va ha, nomu kivala kinene kinolu kya wa va ha imbiri wavo, kandi si va girunkana kutwula ku vikolwa vyavo vidamano.

Zaburi 119:70

Mwoyo gwavo gu komera kuli maguta; Navutswa inze nsangalira mu itorati yoyo.

Zaburi 17:10

Mwoyo gwavo mudamano va hani ligali: Nomunwa gwavo va vola agobuhaga.

Zaburi 73:7

Va himbuki tsimoni tsyavo kigira likomera lyavo: Vya va veye navyo vi viti lyenya lyemyoyo gyavo.

Kutwula 3:17

Kandi mmali kuvola, Nda mu leta mwanegire kutwula mu busaliri bwa Egepeti, nokumuvika mu kivala kya Avakanani, na Avahiti, na Avaamori, na Avaperizi, na Avahivi, na Avajebusi, mu kivala ki gangalukanga amaveere na bwuki.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Isaya 6:10

Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Jeremia 50:11

Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;

Ezekieli 34:16

Ndenya lya gota, nokuleta kandi lya kungwa, nokuboherera lya vunika, nokuha tsingulu lya kenya, na manetu na getsingulu nda ga dividza; nda ga lihidza mu likalaga.

Ezekieli 34:20

Kigira yaga Mwami Nyasaye a va volera ndi: Henza, yee, inze, nda kalaga hagati hamagondi manetu namagondi mang'afu.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Kwidzulitsa 11:16

Mwelinde mwinye avene, gase myoyo gyenyu gyi la gadwa, nokugirunkana, nokutumekira avanyasaye vandi, nokuvasigamira;

Kwidzulitsa 11:17

nobutima bwa Yahova bu laaka ku mwinye, na a la boha ligulu, ha vule kuva nembula nekivala ki vula kwama makuyu, na mu la diva bwangu nokutwula ku kivala kilahi kya Yahova ya mu ha.

Kwidzulitsa 6:3

Kunangwa Israeli, u hulire, u henze na u ga kole; bu duke kuva ubulahi ku ive, u duke kumedeka ligali, kuli Yahova, Nyasaye wa vaguga vovo, ya ku suuviridza, mu kivala ki gangulukanga maveere nobwuki.

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Kwidzulitsa 8:19

Navutswa ga la va, nu wivirira Yahova Nyasaye wowo, nokulonda avanyasaye vandi, nokuvatumekira, nokuvasigamira, ndolekidza ku mwinye lero, mu la diva ligali.

Kwidzulitsa 8:7

Kigira Yahova Nyasaye wowo u ku viki mkivala kilahi, kivala kyemigera gya madzi, nevisenukiru, nevidaho, vi senukanga mmavona na mu vigulu;