Kwidzulitsa 31:16 - KITABU KITAKATIFU

¹⁶ Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Kwidzulitsa 31:16 ပူးပေါင်းရင်းမြစ်များ

Litanga 15:15

Navutswa ive u la tsia ku vadada vovo nemirembe; na ive u la tebwa mu buhindiri bulahi.

Litanga 25:8

Na Abrahamu, mwoyo gwa twula kuye, na a kudza mu lihindira lilahi, musakulu, wizula mihiga, na a vungidzwa ku aviko veve.

Litanga 47:29

Na inyinga yelikudza lya Israeli ya duka himbi: naye ya langa mwana wewe Yosefa, na a mu volera, Ni mba ni mberereywi imbiri wetsimoni tsyitsyo, nku goonya u vike mukono gugwo ku ivadzwa yange, u nkolere malahi na ageligali: u ta nta mu Egepeti mba, nku goonyanga;

Litanga 47:30

navutswa lwa ngona halala na avaguga vange, u la mbila kutwula Egepeti, na u nte mu kilindwa kyavo. Naye ya vola, Nda kola kuli u voye.

2 Samweli 7:12

Madiku gogo lwa ga duka ku ive kugona na vaguga vovo, nda singeridza ku visukululwi vivyo inyima wowo, vi li twula mmunda munwo, na nda dinyeridza bwami bwibwe.

1 Avami 1:21

Ni ga ta veye ndiyo ga la duka, lwa munene wange mwami a gona halala na vaguga veve, mze nomwana wange Solomoni ku la validzwa ku va avahyoli.

1 Avami 18:18

Naye ya tivula, Si a li inze u dambidzanga Israeli; navutswa ni ive, nenyumba ya dada wowo kigira mu leki lilagana lya Yahova, na ive u londanga Vabaal.

1 Avami 19:10

Naye ya tivula, Nda li nelikendeka ligali kigi ra Yahova, Nyasaye wa mahe; kigira avana va Israeli va leki amalago gogo, nokutsoma hasi ubwali bubwo, navaprofeti vovo viitwa nekivavi: na inze, ntigaye inze tsyeng'ine; navo venyanga mwoyo gwange va duke kugutwulidza.

2 Avami 18:12

kigira si va hulira mwoyo gwa Yahova Nyasaye wavo, navutswa vononya lilagana lilye, kali gosi ga Musa mutumekiri wa Yahova ya va laga, va vula kugahulira, nokugakola.

2 Avami 20:1

Ku lidiku yilyo Hezekia ya lwala na a buyika. Na Isaya muprofeti, mwana wa Amozu, ya tsia kuye, na a mu volera, Yahova a vola, U lungekidze makuva genyumba yoyo; kigira u la kudza, si u la va mwoyo mba.

2 Kyetsinyinga 21:11

Kuvita yaga ya lomba hadigu luku mu vigulu vya Buyuda, na ya vika netsingulu ava menya Yerusalemi mu buheyi, na a kyaminya Vayuda.

Ayubu 20:11

Vigumba vivye vizuye ubusoleli bwibwe, Navutswa bu la gona mu lugukyi halala naye.

Zaburi 106:39

Na ndiyo va nyola ubudamano ku miyinzi gyavo, Na vekola avene kuva avamalaya ku vikolwa vyavo.

Zaburi 73:27

Kigira, henza, yava ava veye ihale ku ive, va la diva: Ive u lononnya vosi ava leka ive kutsia mmalaya.

Kutwula 32:6

Navo va vuka mabwebwe na va baana tsisadaka tsyokusambwa, nokuleta tsisadaka tsyemirembe; na avandu vikala kulia nokunwa, na va singira kukina.

Kutwula 34:15

gase u la lomba lilagana na avandu vekivala, navo va tsia mu ma buheyi bwe lilonda vanyasaye vavo nokwiitira avanyasaye vavo tsisadaka, na mulala a ku langa, nive u la lia ku isadaka yeye:

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Ezekieli 16:15

Navutswa wa suuvira ku ligondo lilahi lilyo, na wa tumekira amalaya kigira lidzominywa lilyo, na wa tsuka vindu vivyo vya malaya ku vosi ava vitanga; wa li wewe.

Hosea 1:2

Lwa Yahova ya tanga kuvola nomunwa gwa Hosea, Yahova ya volera Hosea, Tsia, u kwe mukali muheyi navana vobuheyi; kigira kivala ki kolanga ubuheyi ubunene, ku lileka Yahova.

Hosea 10:4

Va volanga makuva ga vutswa, ni visuha ku bubehi mu likola lilagana: kigira yaga likalaga lisebukanga kuli musala gwobululu mu lutsira lwomulimi.

Kyavalevi 26:15

ni mu sula malago, na mwoyo gwenyu gu lega miima gyange, kuduka ni mu vula kukola amalago gange gosi, navutswa mwononva lilagana lyange;

Livalidza 27:13

Na lwa u ki loli, u la vungidzwa ku avandu vovo, kuli Haruni amwavo wowo ya vungidzwa;

Vikolwa 13:36

Kigira Daudi, lwa ya mala kutumekira mu likula lilye ku makuva ga Nyasaye, ya gona tsindolo, na a daswa ku vaguga veve na a lola ubwoneku:

Kwidzulitsa 31:18

Na nda visira ligali mmoni mwange mu lidiku yili kigira budamano bwosi bwa va kola, kugirunkana ku vanyasaye vandi.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:50

u kudzire mu kigulu ha wanegiranga u vungidzwe u ve halala naviko vovo, kuli amwavo wowo Haruni ya kudzira mu kigulu kya Horu, na a vungidzwa a ve halala navandu veve:

Kwidzulitsa 34:5

Kunangwa Musa zana mutumekiri wa Yahova ya kudzera yo mu kivala kya Moabu, kuli likuva lya Yahova.

Kwidzulitsa 4:25

Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.

Vakalagi 10:13

Navutswa mwa ndeka, na mwa tumekira avanyasaye vandi kigira yaga si nda mu honnya kandi mba.

Vakalagi 10:6

Navana va Israeli va kola ubudamano kandi imbiri wa Yahova, na va tumekira Vabaal, na Ashitarothu, navanyasaye va Siria, navanyasaye va Sidone, navanyasaye va Moabu, navanyasaye vavana va Amon, navanyasaye va Vafilisiti; na va leka Yahova, va vula kumutumekira.

Vakalagi 2:11

Navana va Israeli va kola budamano imbiri wa Yahova, na va tumekira Vabaal;

Vakalagi 2:12

ni va leka Yahova, Nyasaye wa vaguga vavo, wa va leta kutwula mkivala kya Egepeti, na va londa vanyasaye vandi, ku vanyasaye vavandu ava va kumbiridza, na vinamira vanyasaye yavo: na va vihiriridza Yahova kuduka na a vihirirwa.