Kwidzulitsa 31:12 - KITABU KITAKATIFU

¹² U vugannye avandu, avakali navasatsa navana, na mugeni wowo u veye mu viribwa vivyo, va duke kuhulira, kandi va duke kweyegidza, nokutia Yahova Nyasaye wenyu, nokulinda kukola amakuva gosi gelilaga yili;

Kwidzulitsa 31:12 ပူးပေါင်းရင်းမြစ်များ

Ezara 10:1

Kunangwa inyinga yeyo lwa Ezara ya li na a saalanga nokweyama, nokulira, nokugwa hasi imbiri wenyumba ya Nyasaye, va vugana kuye kutwula mu Israeli vosi livugana linene lyavasatsa navakali navana; kigira avandu yavo va li ni va liranga ligali.

Kyavalevi 9:5

Navo va leta vya Musa y a laga imbiri welihema lyokuvuganira mu: na livugana lyosi lyesunda himbi nokusingira imbiri wa Yahova.

Haggai 1:12

Hene yaho Zerubabeli mwana wa Shealitieli, na Joshua mwana wa Jehozadaku, musalisi munene, halala navatigala vosi vavandu, va hulira mwoyo gwa Yahova Nyasaye wavo, namakuva gomuprofeti, Haggai, kuli Yahova Nyasaye wavo ya mu tuma; navandu va tia imbiri wa Yahova.

Yohana 5:39

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Kwidzulitsa 29:29

Vya viswa ni vya Yahova Nyasaye wetu, navutswa vya lang'aminywa ni vyetu ni vya avana vetu mihiga nemihiga, ku duke kukola amakuva gosi gelilaga yili.

Kwidzulitsa 29:9

Kunangwa mu gumire amakuva gelilagana yili, mu ga kole, bu duke kuva bulahi ku mwinye mu vyosi vya mu kola.

Kwidzulitsa 31:13

navana vavo, ava vula kumanya, va duke kuhulira, va duke kweyegidza kutia Yahova Nyasaye wenyu, madiku gosi aga mu menya mu kivala kya mwambukanga Yordani kutsia kukigumira.

Kwidzulitsa 4:10

ku lidiku lya wa singira imbiri wa Yahova Nyasaye wowo ha Horebu, inyinga Yahova ya mbolera, U vungidzire avandu, na nda leta kuvo makuva gange va ga hulire, va duke kweyegidza kutia inze madiku gosi gelimenya yavo ku lirova, kandi va duke kwegidza avana vavo.

Joshua 8:33

Na Israeli vosi, na avakulundu vavo, na vanyampara vavo, na vakalagi vavo, va singira ku luvega yilu lwelisanduku na ku luvega yilwo imbiri wavasalisi Valevi, ava ginga lisanduku lyelilagana lya Yahova, u veyo mumenya nomwene luhya vombi; inusu kuvo va singira imbiri wekigulu kya Gerizim, na inusu va singira imbiri wekigulu kya Ebali; kuli Musa mutumekiri wa Yahova ya tanga kulaga, va duke kugasidza avandu va Israeli.

Joshua 8:35

Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.