Kwidzulitsa 30:6 - KITABU KITAKATIFU

⁶ Na Yahova Nyasaye wowo a la keva mwoyo gugwo, nomwoyo gwa avana vovo, u duke kuyanza Yahova Nyasaye wowo nomwoyo gugwo gwosi, na roho gugwo gwosi, u duke kuva mwoyo.

Kwidzulitsa 30:6 ပူးပေါင်းရင်းမြစ်များ

Kutwula 20:6

kandi mba vera tsimbabasi ava yanza inze ni va gumira malago gange, kuduka tsielfu.

Jeremia 24:7

Nda va ha myoyo gyokumanya inze, mbeye Yahova: va la va avandu vange, na inze nda va Nyasaye wavo; kigira va lirana ku inze nemyoyo gyavo gyosi.

Jeremia 32:39

nda va ha mwoyo mulala, nenzira indala va duke kutia inze madiku gosi, kuvakolera bulahi, na bwavana vavo inyima wavo:

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 9:26

Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.

Kyavalevi 18:5

Kunangwa mu la gumira malago gange, na miima gyange; agomundu u tumekira, a la va mwoyo kugo: inze mbeye Yahova.

Matayo 22:37

Naye ya mu volera, U yanze Mwami Nyasaye wowo nomwoyo gugwo gwosi, neliva mwoyo lilyo lyosi, nobugeeri bubwo bwosi.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Vakorintho 8:3

navutswa ku vosi mundu na a yanza Nyasaye, uyu a manyekana imbiri wewe.

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

Kwidzulitsa 10:16

Kunangwa mu keve ligodo lyomwoyo gwenyu, na mu vule kuva nemyoyo midinyu kandi.

Kwidzulitsa 11:1

Kigira yaga u yanze Yahova Nyasaye wowo, nokugumira lyeganehidza lilye, miima gyigye, nelikalaga lilye, namalago gege, kazozo.

Kwidzulitsa 6:5

na u yanze Yahova Nyasaye wowo nomwoyo gugwo gwosi, naroho gugwo gwosi, netsingulu tsitsyo tsyosi.

Vakolosai 2:11

Wa mu mali kukeverwa mu nelikevwa li ta kolwa namakono, mu lifwuvula lyomubiri gwenyama, mu likevwa lya Kristo;

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

1 Yohana 4:7

Avayanze, ku yanzane: kigira ubuyanzi bu veye bwa Nyasaye; ku vosi u yanzanga yivulwa kutwula ku Nyasaye, kandi a manya Nyasaye.