Kwidzulitsa 30:2 - KITABU KITAKATIFU

² na wenya kwirana ku Yahova Nyasaye wowo, nokuhulira mwoyo gwigwe kuli gosi ga nku laganga lero, ive navana vovo, no mwoyo gugwo gwosi, naroho gugwo gwosi;

Kwidzulitsa 30:2 ပူးပေါင်းရင်းမြစ်များ

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

1 Kyetsinyinga 29:9

Hene yaho avandu va sangala, kigira va haana ku Yahova nomwoyo mudukiru gwobulaliri; na mwami Daudi ya sangala lisangala linene.

2 Kyetsinyinga 30:9

Kigira ni mwirana ku Yahova, avamwavo venyu navana venyu va la verererwa imbiri wa yavo va va hila vahambe, kandi va lirana mu kivala yiki: kigira Yahova Nyasaye wenyu a veye neliverera netsimbabasi na si a la girunkannya mmoni mwi mwe kutwula ku mwinye mba, ni mu va ni mwirana kuye.

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Zaburi 119:2

Va veye nobugasu yavo ava gumiranga lilolekidza lilye, Yavo ava mwenyanga nomwoyo gwosi.

Zaburi 119:80

Mwoyo gwange gu ve mudukanu mu malago gogo, Mbule kuvikwa mu tsisoni.

Zaburi 41:12

Yee, mu budukiru bwange u nduviridzanga, Na u mbeye kusingira imbiri wowo mihiga nemihiga.

Jeremia 29:13

Mu la nyenya, nokunyola, lwa mu nyenya nemyoyo gyenyu gyosi.

Jeremia 3:10

Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 36:3

Namusia inyumba ya Yuda i la hulira makuva gobudamano yibu bwosi bwa nda saavira kuvakolera; va duka kwirana sa mulala kuleka inzira yeye indamano, nduke kuvasameha ubudamano bwavo nobwoni bwavo.

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Lisyoma lya Jeremia 3:32

Kigira kali na a vereridza, naye kandi a la vera kuli ubunene bwetsimbabasi tsitsye.

Lisyoma lya Jeremia 3:40

Gendi ku liguule nokugeridza tsinzira tsyetu, nokwirana ku Yahova kandi.

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Kyavalevi 26:40

Navo va leyama ubwoni bwavo, na ubwoni bwa vaguga vavo, mu lihyolo lya va hyola ku inze, na kandi kigira va genda mu lihing'ana ku inze,

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

2 Vakorintho 3:16

Navutswa inyinga yemyoyo gyi ligirunkana kuyeka ku Mwami, ubwasasu bu la twulidzwa.

Vafeso 6:24

Tsimba basi tsi ve navo vosi ava yanzanga Mwami wetu Yesu Kristo, neliyanza li ta li nobwoneku.

Kwidzulitsa 13:3

u ta hulira amakuva gomuprofeti zana mba, kinga muloti wamaloto: kigira Yahova Nyasaye wenyu a mu geridzanga, a duke kumanya ni mu va ni mu yanzanga Yahova Nyasaye wenyu nomwoyo gwenyu gwosi naroho gyenyu gyosi.

Kwidzulitsa 6:5

na u yanze Yahova Nyasaye wowo nomwoyo gugwo gwosi, naroho gugwo gwosi, netsingulu tsitsyo tsyosi.

1 Yohana 1:9

Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.