Kwidzulitsa 30:19 - KITABU KITAKATIFU

¹⁹ Nanganga ligulu nelirova kulolekidza ku mwinye lero kuli mbikiye imbiri wa ive livamwoyo nelikudza, ubugasu nevilaamo: kunangwa u tovole livamwoyo, u duke kuva mwoyo, ive navana vovo;

Kwidzulitsa 30:19 ပူးပေါင်းရင်းမြစ်များ

Litanga 2:17

navutswa ku musala gwelimanya ubulahi nobudamano, u ta lia kugwo: kigira ku lidiku lya u lia kugwo ligali u la kudza.

Zaburi 119:111

Lilolekidza lilyo mbuguye kuva miyandu gyange mihiga gyosi; Kigira li veye lyokusangalidza mwoyo gwange.

Zaburi 119:173

Mukono gugwo gwetegeke kunkonya; Kigira ntovoye megidzo gogo.

Zaburi 119:30

Ntovoye inzira yobusuuvirifu: Mbiki amalago gogo imbiri uange.

Tsing'ano 1:29

Kigira va dunyira limanya, Na si va tovola ubutii bwa Yahova:

Tsing'ano 12:28

Livamwoyo li veye ku inzira yobu lungi; Kandi si ha veye likudza mu inzira yalyo.

Tsing'ano 8:36

Navutswa uyu u nkolera ubwoni, yononnya mwoyo gwigwe mwene: Vosi ava ndunyiranga, yava va yanzanga likudza.

Tsing'ano 9:11

Kigira ku inze, madiku gogo ga la medeka, Na mihiga gyelimenya lilyo gyi la medeka.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 56:4

Kigira Yahova a vola ku vitsiri ava lindanga amadiku gelisabato lyange, nokutovola vindu vi yanzidzanga inze, nokuhambana nelilagana lyange ligali:

Jeremia 21:8

Na u la volera avandu yava Yahova a vola ndi: Henza, mbikanga imbiri wenyu inzira yelivamwoyo neyelikudza.

Jeremia 32:39

nda va ha mwoyo mulala, nenzira indala va duke kutia inze madiku gosi, kuvakolera bulahi, na bwavana vavo inyima wavo:

Jeremia 42:21

Na inze nzilwadzi ku mwinye lero ma kuva yaga; navutswa mwinye si mu huliye mwoyo gwa Yahova Nyasaye wenyu mu likuva lya a tumi inze ntsie nalyo ku mwinye.

Ezekieli 20:11

Nda va ha malago gange, nokuvamannya miima gyange, gya mundu a va na a kola a la hindira mugyo.

Luka 10:42

navutswa kindu kilala kyeng'ine ki duki: kigira Maria u mali kutovola kindu kilahi, kya a li vula kunyagwa.

Vikolwa 2:39

Kigira lisuuviridza yili li veye ku mwinye, noku vana venyu, noku vosi ava veye hale, ku vosi vo Mwami Nyasaye wetu a la langa vadze kuye.

Kwidzulitsa 11:26

Henza, lero mbika imbiri wenyu ubugasu nevilaamo:

Kwidzulitsa 30:1

Kandi ga la va, lwa vindu yivi vyosi vi duka ku ive, ubugasu nevilaamo, vya mbiki imbiri wowo, na ive u la vidzulitsa hagati hetsihiri tsyosi, ha Yahova Nyasaye wowo a ku kungi,

Kwidzulitsa 30:15

Henza, nku vikiye lero livamwoyo nobulahi imbiri wa ive, kandi likudza nobudamano;

Kwidzulitsa 30:16

kuli nku laganga lero kuyanza Yahova Nyasaye wowo, nokugenda ku tsinzira tsitsye, nokugumira malago gege nemiima gyigye nelikalaga lilye, u duke kuva mwoyo nokumedeka, Yahova Nyasaye wowo a duke kukugasidza mu kivala kya wingira mu kukigumira.

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?

Kwidzulitsa 31:28

Mu mbuganyiri avakulundu vosi vetsihiri tsyenyu, na vanyampara vyenyu, nduke kuvola amakuva yaga mmatu gavo, nokuvalolekidzira ligulu nekivala kuvo.

Kwidzulitsa 32:1

Mu tegidze amatu, mwinve ligulu, na nda vola; Nelirova li huliridze amakuva gomunwa gwange.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:25

Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Kwidzulitsa 4:26

nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.

Kwidzulitsa 4:6

Kunangwa mu ga gumire nokugakola; kigira yaga ga la va ubugeeri bwenyu nelimanya lyenyu mu tsimoni tsyavandu, va hulira malago yago gosi, va la vola, Ligali ihiri inene yiyi va veye avandu vobugeeri nelimanya.

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

1 Timoteo 5:21

Nku laga imbiri wa Nyasaye, nembiri wa Kristo Yesu, nembiri wetsingelosi ava tovolwa, u linde vindu yivi bugira kuva nelikalaga lya bwangubwangu, kandi u ta kola kindu kali kilala nelyeridza.