17 nekereremu, na Yordani nalwako luakyo, kutwula ku Kinerethu kuduka ku inyanza ya kereremu, nayo ni Inyanza yo Munyu, isi wekisulungutu kya Pisiga ku luvega lwibukwe.
Kunangwa Loti ya ginga tsimoni tsitsye, na a henza kivala kyosi kya Yordani, kya li kikindu ligali tsimbega tsyosi kuli mulimi gwa Yahova, na kuli kivala kya Egepeti lwa u tsia Zoaru, Yahova ya li na a kikiri kudividza Sodoma na Gomora.
Uyu ya galukidza tsinzako tsya Israeli kutwula ho kwingira Hamathu kuduka ku nyanza yekyangalangwi, kuli likuva lya Yahova, Nyasaye wa Israeli, lya ya vola nomunwa gwomutumekiri wewe Yona mwana wa Amitai, muprofeti, wa li mundu wa Gath-heferi.
Ma ya mbolera, Amadzi yaga aga twulanga kutsia ku luvega lwekivala kyevugwe, ga lika kutsia ku kyangalangwi; na ga la tsia ku luvega lwenyanza; ga twulanga ha zana ga la tsia mu inyanza; namadzi genyanza ga la honywa.
Na ya mu hila kuduka mu mulimi gwa Zofim, kuduka ku intongi ya Pisga, na yombaka bwali butano na buviri nokuhaana igiriki na ligondi likole ku bwali sa bulala.
nekereremu kuduka ku inyanza ya Kinerothu, ku luvega lwevugwi, kandi kuduka ku inyanza yekereremu, kali kuduka ku Invanza ya Munyu, ku luvega lwevugwi, ku inzira i tsitsanga Bethjesimoth; kandi ku luvega lwekusini, isi wevisulungutu vya Pisiga:
na mwivona Bethharam, na Bethnimira, na Sukothu, na Zafon, na ga tigala ago bwami bwa Sihon mwami wa Heshibon, mugera gwa Yordani nolwako lwagwo, kuduka ku kiheri kyenyanza ya Kinerethu engereka wa Yordani ku luvega lwevugwi.
No lwako lwoluvega lwevugwi lwa li Inyanza yo Munyu, kuduka ku kiheri kya mugera kwa Yordani. Na lwako lwoluvega lwa kasikasini lwa li kutwula ha kiheri kya inyanza, ki veye ku kiheri kyomugera gwa Yordani;
no lwako lwa vita kuduka mmbalu mwa Bethhogila ku luvega lu henza kasikasini; nobutwuliru bwolwako zana bu veye ha kiheri kye Inyanza yo Munyu, ki veye kiheri kya kusini womugera gwa Yordani: yilo nilwo lwako lweluvega lwa kusini.
hene yaho amadzi gikanga kutwula ku luvega lwolugulu ga singira, na ga diguluka na ga gwa kitumi ihale ligali, kuduka ha Adam, lidala li veye himbi Zarethan; na amadzi ga sulunguta kutsia ku luvega lwenyanza yekereremu, inyanza yo Munyu, ga kalika ligali: na avandu yavo vambuka kulungika Yeriko.