Kwidzulitsa 29:8 - KITABU KITAKATIFU

⁸ na kwa vugula kivala kyavo, ni ku ha Varubeni, na Vagadi, nenusu yehiri ya Vamanase, ki ve miyandu.

Kwidzulitsa 29:8 ပူးပေါင်းရင်းမြစ်များ

1 Avami 2:3

u gumire lilaga lya Yahova Nyasaye wowo, u gende mu tsinzira tsitsye, kugumira amalago gege, nemiima gyigye, nelikalaga lilye, nelilolekidza lilye, kuli ga ng'odwa mu itorati ya Musa, u duke kugasidzwa mu gosi aga u kola, na hosi ha u henzanga;

Zaburi 135:12

Na a haana kivala kyavo kuva miyandu, Miyandu gya avandu veve Israeli.

Livalidza 32:32

Kwinye ku lambuka ni kwiviki vyuma vyetu imbiri wa Yahova kwingira mu kivala kya Kanani, na livugula lyemiyandu gyetu li la va lyengereka wa Yordani.

Livalidza 32:33

Na Musa ya va ha, navo va veye avana va Gadi, na avana va Rubeni, na inusu yehiri ya Manase mwana wa Yosefa, kivala kyobwami bwa Sihon mwami wa Vaamori, na kivala kyobwami bwa Ogu mwami wa Bashan, kivala kuli amadala gakyo, halala netsinzako tsyago kuli madala gekivala kya kumberidza hosi.

Kwidzulitsa 5:32

Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Joshua 1:7

U ve mugulu nomuluviriri ligali, u duke kulinda kukola kuli lilsga yili lyosi, lya Musa mutumekiri wange ya ku laga: u ta girunkana kulileka, u tsie ku luvega lwomukono mulungi kinga lwomukono mmosi mba, u duke kugasidzwa ha u tsitsanga hosi.

Joshua 1:8

Kitabu yiki kyelilaga si ki la twula mmunwa gugwo, navutswa u la ganagana kukyo mbasu nobudiku, u duke kulinda kukola kuli gosi aga ng'odwa mu: kigira inyinga zana u la gasidza inzira yoyo, na inyinga zana u la kola nobugeeri.