Kwidzulitsa 29:29 - KITABU KITAKATIFU

²⁹ Vya viswa ni vya Yahova Nyasaye wetu, navutswa vya lang'aminywa ni vyetu ni vya avana vetu mihiga nemihiga, ku duke kukola amakuva gosi gelilaga yili.

Kwidzulitsa 29:29 ပူးပေါင်းရင်းမြစ်များ

Litanga 41:16

Na Yosefa ya tivulira Farao, na a vola, Si ga veye mu inze: Nyasaye a la ha Farao litivula lyemirembe.

Ayubu 28:28

Na ya volera mundu makuva yaga, Henza, kutia Yahova, nibwo ubugeeri; Nokutwula ku budamano nilyo limanya.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Tsing'ano 25:2

Ubukumi bwa Nyasaye bu veye kuvisa kindu Navutswa ubukumi bwavami bu veye kwidera inkuva.

Tsing'ano 3:32

Kigira mukyamu a veye livirihidza ku Yahova; Navutswa aga viswa gege ga veye halala na avalungi.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Jeremia 23:18

Kigira ni bwaha wa singira mu makuva ga Yahova, kuduka na a ga manya nokuhulira likuva lilye? Ni bwaha wa vika mu mwoyo likuva lyange, nokulihulira?

Danyeli 2:22

a vuulanga ivindu vi veye mu luliva nomu liviswa; a manyanga vi veye mu kisundi, na ubulavu bu menyanga halala naye.

Danyeli 4:9

O Beliteshazaru, munene wa avakumu, kigira mmanya roho wa vanyasaye vatakatifu gu veye mu ive, kandi si ha veye na kindu kyaviswa ki ku tamanga, u mbolere malolo geliloto lyange lya nda lola, na livuula lyalyo.

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

Matayo 13:11

Naye ya tivula na a va volera, Mwinye mu hebeywi kumanya ama kuva ga viswa gobwami bwomigulu, navutswa yava si va hebeywi ndiyo.

Matayo 13:35

Ga duke aga volwa nomunwa gwomuprofeti, na a vola, Nda kunula munwa gwange kukupa tsing'ano; Nda vola vindu vya yiswa kutwula inyinga yelirova lya lombwa.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 21:22

Yesu ya mu volera, Inze ni nyenya a linde nduhe nduke, ki veye kindu ki ku ive? U nonde.

Yohana 5:39

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Vikolwa 1:7

Ya va volera, Si tsi li tsyenyu kumanya tsinyinga nemihiga gya Dada ya laga mu tsingulu tsitsye.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

1 Vakorintho 2:16

Kigira ibwaha wa manya tsiganagani tsyo Mwami, a duke kumwegidza? Navutswa kwinye ku veye netsiganagani tsya Kristo.

Kwidzulitsa 30:2

na wenya kwirana ku Yahova Nyasaye wowo, nokuhulira mwoyo gwigwe kuli gosi ga nku laganga lero, ive navana vovo, no mwoyo gugwo gwosi, naroho gugwo gwosi;

Kwidzulitsa 6:7

na u legidza avana vovo kugo nobugulu, mu la volerana kugo lwa wikala mu inyumba yoyo, na lwa u gendanga ku inzira, na lwa u gonanga, na lwa u vukanga.

2 Timoteo 1:5

lwa nduka kwidzulidzwa lisuuvira lilyo lya u veye nalyo li ta li lyobugadi; lya li ho ku matsyambiri mu guuku wowo Lois nomu mama wowo Eunike; kandi nduki kulola ligali ive u veye nalyo.

2 Timoteo 3:16

Mang'oda gosi ga veye nomwika gwa Nyasaye, kandi ga veye netsingulu mu lyegidza, nomu lyeganehidza mu ageligali, nomu lilu ngikidza nomu ligerihidza mu miyinzi milahi gyosi;