Kwidzulitsa 29:21 - KITABU KITAKATIFU

²¹ Na Yahova a la mu vika ha luvega ku budamano mu tsihiri tsyosi tsya Israeli, kuli vilaamo vyosi vyelilagana vya ng'odwa mu kitabu kya malago yiki.

Kwidzulitsa 29:21 ပူးပေါင်းရင်းမြစ်များ

Jeremia 42:18

Kigira Yahova wamahe, Nyasaye wa Israeli, a vola: Kuli livihiririrwa lyange nobutima bwange bwa tsukwa ku yavo ava menya Yerusalemi, ni ndiyo ubutima bwange bu li tsukwa ku mwinye, lwa mu lingira Egepeti; na mu la va lisufwa, neligenya, nelilaamwa, na manyego; na hano si mu la ha lola kandi mba.

Ezekieli 13:9

Mukono gwange gu la va ku vaprofeti va lolanga vindu vya vutswa, ava segetiranga ububehi: si va la va mu makuva gavandu vange, kandi si va la ng'odwa mu mang'oda genyumba ya Israeli, kandi si va lingira mu kivala kya Israeli, na mu la manya inze mbeye Mwami Nya saye.

Malaki 3:18

Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.

Matayo 24:51

a la mu temlnya, na a mu ha kidieli kikye halala navagadi: ha la va nokulira nokudyedyeidza amino.

Matayo 25:32

Tsihiri tsyosi tsi la vuganywa imbiri wewe: naye a lahulanya tsindala ku tsindi kuli mwa yi yahulanya magondi netsimbuli;

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

Kwidzulitsa 28:59

hene yaho Yahova a la kola maduya gogo ga ve geligenya, namaduya golwivulu lulwo, maduya manene ligali, na ga madiku manyingi, nobulwaye budinyu, bwokumenya madiku manyingi.

Kwidzulitsa 28:61

Kandi ubulwaye bwosi, namaduya gosi, aga ta ng'odwa mu kitabu kyelilaga yili, Yahova a la bu vika ku ive, kuduka u luhe u dive.

Kwidzulitsa 30:10

nu u va nu u londa omwoyo gwa Yahova Nyasaye wowo, nokugumira malago gege, nemiima gyigye gya ng'odwa mkitabu yiki kyelilaga; nu u va nu u yeka ku Yahova Nyasaye wowo nomwoyo gugwo gwosi, na roho gugwo gwosi.

Kwidzulitsa 32:23

Nda tsuka ubudamano kuvo; Kandi nda vungulula mibano gyange kuvo: