Kwidzulitsa 29:20 - KITABU KITAKATIFU

²⁰ Yahova si a li msameha, navutswa inyinga yeyo ubutima bwa Yahova nelikendeka lilye vi la vuya mwoki ku mundu uyu, nevilaamo vyosi vya ng'odwa mu kitabu yiki vi la menya kuye, na Yahova a leya lieta lilye isi weligulu.

Kwidzulitsa 29:20 ပူးပေါင်းရင်းမြစ်များ

Litanga 6:7

Na Yahova ya vola, Nda gotidza avandu ava nda lomba, va twule ku lirova; vyombi avandu na tsinyama, na vimolanga, na manyonyi gegulu; kigira ndeganira ku lilomba lyavyo.

2 Avami 14:27

Na Yahova si ya vola a leya lieta lya Israeli isi weligulu; navutswa ya va honnya ku mukono gwa Jeroboam mwana wa Joashu.

Zaburi 18:8

Mwoki gwa vuya kutwula mu amolu gege Na muliru gwa twula mu munwa gwigwe ni gu lia: Amanda gaakidzwa nagwo.

Zaburi 69:28

Veywe kutwulidzwa mu kitabu kyelivamwoyo, Va vule kwng'odwa halala na ayalungi.

Zaburi 74:1

O Nyasaye, kigira ki u ku kungi mihiga nemihiga? Kigira ki ubutima bubwo bu vuyidza mwoki ku magondi gobwayi bubwo?

Zaburi 78:50

Ya lombera ubutima bwibwe inzira; Si yigalira likudza ku mwoyo gwavo, Navutswa ya haana livamwoyo lyavo ku ubulwaye.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Zaburi 79:5

O Yahova, tsinyinga tsyanga? U la vihirirwa mihiga nemihiga? Likendeka lilyo li laaka kuli muliru?

Zaburi 80:4

O Yahova Nyasaye wa mahe, Kuduka inyinga ki u la vihirirwa ku lisaala lya avandu vovo?

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 34:14

(kigira u la vula kusigamira munyasaye wundi: kigira Yahova, welieta lilye li veye Wokukendeka, a veye Nyasaye wobukendeki);

Tsing'ano 2:22

Navutswa avadamano va la kalagirwa kutwula mu kivala, Na avobugadi va la twulidzwa mu kivala.

Tsing'ano 6:34

Kigira imbodoka i veye ubutima bwomundu; Naye si a la va netsimbabasi ku lidiku lyokuvanza kisalya.

Lwimbu lwa Solomoni 8:6

Mbika mu mwoyo gugwo kuli muhuri Kuli muhuri ku mukono gugwo: Kigira ubuyanzi bu veye netsingulu kuli likudza; Imbodoka i veye bululu kuli Kihadisi; Lumemo lwayo lu veye lumemo lwomuliru, Lumemo lwomuliru gwa Yahova ligali.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Jeremia 13:14

Nda va duyannya, kali avadada navana halala, Yahova a vola: na si nda vererera kandi si nda lekera, kandi si nda va netsimbabasi, kuduka ndeke kuvadividza.

Ezekieli 23:25

Na ndivika likendeka lyange ku ive, na va la ku kola nobutima; va la ku twulidza amolu gogo namatu gogo; nelitigala lilyo li la gwa ku kivavi: va la vugula avayai vovo navakana vovo; nelitigala lilyo li la hya nomuliru.

Ezekieli 24:14

Inze, Yahova, mmali kuvola: ga la va na inze nda ga kola; si ndirana inyima, kandi si nda vererera, kandi si ndeganira; kuli tsinzira tsitsyo, kuli vikolwa vivyo, ni ndiyo va la ku kalagira, Mwami Nyasaye a vola.

Ezekieli 36:5

kigira yaga Mwami Nyasaye a vola ndi: Ligali mmali kuvola ku litigala lyetsihiri mu muliru gwelikendeka lyange, noku Edom, tsihiri tsyevuguliye tsyene kivala kyange va ve nakyo kuva miyandu gyavo ku buyanzi bwemyoyo gyavo gyosi, nomwoyo gwokulega, kukita kyova ki ve kilanye.

Ezekieli 5:11

Kunangwa, kuli mbeye mwoyo Mwami Nyasaye a vola, ligali, kigira ive wononnya ha butakatifu hange nevindu vyosi vyokuvihiriridza nekivihiri kikyo kyosi, kigira yaga nda ku gehidza; imoni yange si i la ku vera tsimbabasi mba, na inze si nda ku vererera mba.

Ezekieli 7:4

Imoni yange si i la ku leka mba, Kandi si nda va netsimbabasi; navutswa nda leta tsinzira tsitsyo ku ive, na vivihiri vivyo vi la va hagati hoho: na mwinye mu la manya inze mbeye Yahova.

Ezekieli 7:9

Imoni yange si i la leka, kandi si nda va netsimbabasi: nda leta ku ive kuli tsinzira tsitsyo; na vivihiri vivyo vi la va hagati hoho; na mu la manya inze, Yahova, nkuyanga.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Ezekieli 8:3

Naye ya nyira lifwana lyomukono, nokugumira inze ku luyove lulala lwelisu lyoku mutwe gwange; na Roho ya ng'inga hagati helirova neligulu, na ya mbilira mu malola ga Nyasaye kuduka Yerusa lemi; kuduka ku muliangu gwekiribwa kyomugidzi gwomugati gu henza ku luvega lwa kasikasini; ha zana ya li ho intebe yekifwananyi kyelikendeka, ki vukidzanga likendeka.

Ezekieli 8:5

Nonoho ya mbolera, Ive mwana womundu, ginga tsimoni tsitsyo kalunu ku luvega lwa kasikasini. Ma nda ginga tsimoni tsyange ku luvega lwa kasikasini, na henza, ku luvega lwa kasikasini lwekiribwa kyobwali, kifwananyi kyelikendeka kya li ho mu bwingiriru.

Ezekieli 9:10

Na inze, imoni yange i la vula kuleka, kandi si nda va netsimbabasi mba, navutswa nda leta inzira yavo ku mutwe gwavo.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Varumi 11:21

kigira Nyasaye na a va na a ta vererera tsisya tsya kale, kandi si a li vererera ive.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 25:19

Kunangwa ga la va, lwa Yahova Nyasaye wowo a ku sosidza ku vasigu vovo vosi, mu kivala kya Yahova Nyasaye wowo a ku ha ki ve miyandu gya u gumira, hene yaho u twulidze lidzulitswa lya Amaleki isi weligulu; u tivirira mba.

Kwidzulitsa 29:19

na ga veye, na a va na a hulira amakuva gevilaamo yivi, yegasidze mmwoyo gwigwe, a vole, Nda va nemirembe, kali ni ng'enda mu kirage kyomwoyo gwange, kumeda lihambika ku ubuluhu.

Kwidzulitsa 9:14

u ndeke, nduke kuvadividza, nokweya lieta lyavo isi weligulu; na nda kola ive kuva ihiri yetsiugulu nenene kuvita yava.

Vahebraina 12:29

kigira Nyasaye wetu a veye muliru gu sambanga.

Likunula 3:5

Uyu u guutanga a la vikwa ndi tsingubo tsindavu; na inze si ndeya lieta lilye mba mu kitabu kyelivamwoyo, kandi ndeyama lieta lilye imbiri wa Dada wange, kandi imbiri wetsingelosi veve.