Kwidzulitsa 28:68 - KITABU KITAKATIFU

⁶⁸ Yahova a la ku hila kandi Egepeti namato, ku inzira ya nda ku volera, Si u la gi lola kandi kali hakuzu: na yaho mu legulidza ku avasigu venyu mu ve avatugwa vayai navatugwa vakana, na ha la vula kuva nowenya kumugula.

Kwidzulitsa 28:68 ပူးပေါင်းရင်းမြစ်များ

Nehemia 5:8

Na nda va volera, Kwinye kuli bunyali bwetu ku tungiye avamwavo vetu Vayuda, yavo ava gulidzwa ku vetsihiri; na mwinye kalunu nkano mwa gulidza avamwavo venyu, va gulidzwe na kwinye ku va gule? Hene yaho va kiring'ana, va vula kuva nekya va vola.

Esther 7:4

kigira ku gulangwa, inze na avandu vange, kwononywa, nokwiitwa, nokudiva. Navutswa ni ku va ni ku gulwa kuva avatugwa avasatsa navakali, nda kiring'ana, kali uyu musigu nkano si ya nyala kutunga lyoneka lyomwami a la nyola.

Kutwula 13:17

Kunangwa, lwa Farao ya mala kuhaana munwa avandu va tsie, Nyasaye si ya vimirira ku inzira yekivala kya Avafilisiti mba, kali ni ya li himbi: kigira Nyasaye ya vola, Gase mbula avandu va leganira lwa va lola ubulwani, na virane Egepeti:

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Jeremia 43:7

Na vingira mu kivala kya Egepeti; kigira si va hulira mwoyo gwa Yahova: navo va duka Tahapenesi.

Jeremia 44:12

Na nda vugula avatigala va Yuda, ava henzidza mmoni mn avo va duke kwingira mu kivala kya Egepeti ku menva yo, na va la dividzwa vosi; va la gwa mu kivala kya Egepeti; va la dividzwa nekivavi, nenzala; va la kudza, kutwula ku mukekeke kuduka ku munene, nekivavi nenzala: na va la va lisufwa, neligenya, nelilaamwa, na linyega.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Hosea 9:3

Si va la menya mu kivala kya Yahova; navutswa Efiraim a lirana Egepeti, na va la lagira ubukima bu ta li bulahi ha Asuria.

Luka 12:45

Navutswa mutugwa uyu na a va na a vola mu mwoyo gwigwe, Mwami wange u lindagiye; na a tanga kukuya avatugwa avayai navatugwa avakana, na a lia na a nwa, na a hambika;

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 17:16

Navutswa a ta kola tsiparasi tsitsye kuva tsinyingi, kinga a tirannya avandu Egepeti mba, a duke kukola tsiparasi tsitsye kuva tsinyingi; kigira Yahova ya mu volera, Kutwula kalunu mu tirana kandi ku inzira yiyi.

Kwidzulitsa 28:67

Mugamba u la vola, Ngano gu ve mgolova namgolova u la vola, Ngano gu ve mugamba kigira ubutii bwomwoyo gugwo bwa u tia, nelilola lyetsimoni tsitsyo lya u li lola.

Kwidzulitsa 29:1

Yaga namakuva gelilagana lya Yahova ya laga Musa a lombe navana va Israeli mu kivala kya Moabu, li medwa ku lilagana lya ya lomba navo mu Horebu.