Kwidzulitsa 28:64 - KITABU KITAKATIFU

⁶⁴ Na Yahova a la mu salanya hagati he tsihiri tsyosi, kutwula ku luvega yilu lwelirova kuduka ku luvega yilu lwelirova; na u la tumekira avanya saye vandi ha zana, ava u ta manya, ive kinga avaguga vovo, navo va veye misala namagina.

Kwidzulitsa 28:64 ပူးပေါင်းရင်းမြစ်များ

Litanga 4:14

Henza, u nkungi ku lirova; kandi mbiseywi kutwula mmoni mwumwo; na nda va mwivisi nomugendagendi ku lirova; na ga la va, ku vosi u ndola a la nziita.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

2 Avami 25:21

Na mwami wa Babuloni ya va kuya, na viitira ha Ribila mu kivala kya Hamathu. Ni ndiyo ya hila Yuda umuhambe kutwula mkivala kikye.

Nehemia 1:8

Mwadza, nku saala ligali, widzulitse likuva lya wa laga mutumekiri wowo Musa, lwa wa vola, Ni mu va ni mu hyola, nda mu salannya hagati ha vandu vetsihiri:

Zaburi 44:11

U ku haani kuli magondi ga livangwa, Na u ku salannyi mu tsihiri.

Isaya 6:12

na Yahova a va hile ihale ligali, na ha lekwa vutswa ha la va hanyingi mu kivala.

Jeremia 15:14

Na nda va hile va tsia halala navasigu vavo, vingira mu kivala kya u ta manya: kigira muliru gu fwanyeywi mu butima bwange, gu la dedima ku ive.

Jeremia 16:13

kunangwa kigira yaga inze nda mu ta kyova mu twule mu kivala yiki mwingire mu kivala kya mu ta manya, mwinye kinga vaguga venyu; na ha zana mu la tumekira avanyasaye vandi mbasu nobudiku; kigira inze si nda mu vererera.

Jeremia 50:17

Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Jeremia 9:16

Nda va salannya hagati hetsihiri, tsya yavo kinga vaguga vavo va wla kumanya; nda hila kivavi ki va londe inyima wavo kuduka lwa mba dividza ligali.

Lisyoma lya Jeremia 1:3

Yuda u tsiye mu lyadikidzwa ki gira lidambidzwa, kandi kigira ubutugwa bunene; A menyanga hagati he tsihiri, si a veye nobwelemeridzi kali hakuzu: Ava mu dambidza vosi va mu nyolera ha lumbatania.

Ezekieli 20:23

Kandi nda visuhira mu kyangalangwi, nda va salannya mu tsihiri, nokuvasalannya mu vivala vyehale nehale;

Ezekieli 36:19

nda va salannya hagati hetsihiri, na va salannywa hagati hevivala: kuli inzira yavo na kuli vikolwa vyavo nda va kalagira.

Kyavalevi 26:33

Na nda mu salanya hagati hetsihiri, na nda somola kivavi kumulonda: na kivala kyenyu ki la va kya vutswa, na amadala genyu ga la gwa vyanyi.

Amosi 9:9

Kigira, henza, nda laga, na nda sesa inyumba ya Israeli hagati hetsihiri tsyosi, kuli ubusuage bu sesangwa mu luderu, navutswa inzoli indala i la vula kugwa hasi.

Zekaria 2:10

Wimbe u sangale, O mukana wa Zioni; kigira, henza nzidzanga, na nda menya nagati hoho, Yahova a vola.

Zekaria 7:14

navutswa nda va salannya nembuudza yekihudzudzi hagati hetsihiri tsyosi tsya va vula kumanya. Ni ndiyo kivala yikyo kya li hatswa inyima wavo, kya duka kuva bugira mundu kali mulala wa vita hagati hakyo kinga wirana: kigira va kola hatswa kivala kya yanzidzangwa ligali.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 13:8

u ta mubugirira, kandi u ta mu hulira; kandi imoni yoyo i ta mu vererera, kandi u ta mu leka, kandi u ta; mu visa:

Kwidzulitsa 28:36

Yahova a la ku hila, nomwami wowo wa u li vika igulu ku ive, ku ihiri ya u ta manya, ive kinga vaguga vovo; na u la tumekira vanyasaye vandi, avemisala namagina.

Kwidzulitsa 29:26

na va tsia kutumekira avanyasaye vandi, nokuvasigamira, avanyasaye va va ta manya, ava ya vula kuvaha:

Kwidzulitsa 30:1

Kandi ga la va, lwa vindu yivi vyosi vi duka ku ive, ubugasu nevilaamo, vya mbiki imbiri wowo, na ive u la vidzulitsa hagati hetsihiri tsyosi, ha Yahova Nyasaye wowo a ku kungi,

Kwidzulitsa 32:17

Va haana vihaanwa ku mademoni, ga ta li Nyasaye mba, Ku vanyasaye va va ta manya, Ku vanyasaye vahya va senuki bwangu ndi, Ava vaguga venyu va vula kutia.

Kwidzulitsa 32:26

Nda vola, ngano nda va salanya ihale, Ngano lidzulitswa lyavo li heri mbandu;

Kwidzulitsa 4:32

Kunangwa kalunu teva makura ga madiku ga vita imbiri, kutwula lidiku lya Nyasaye ya lomba mundu ku lirova, nokutwula ku luvega lulala lwo migulu kuduka ku luvega lundi, u teve ha li nelifwana lyenkuva inene yiyi, kinga lifwana lyamakuva yaga lya hulirwa ku?