Kwidzulitsa 28:58 - KITABU KITAKATIFU

⁵⁸ Nu u va nu u sula kulinda nokukola amakuva gosi agelilaga yili lya ng'odwa mu kitabu yiki, u duke kutia lieta yili lyobukumi nelyokutihidza, YAHOVA NYASAYE WOWO;

Kwidzulitsa 28:58 ပူးပေါင်းရင်းမြစ်များ

Nehemia 9:5

Hene yaho Valevi, Jeshua, na Kadimieli, na Bani, na Hashabaneia, na Sherebia, na Hodia, na Shebania, na Pethahia, va vola, Mu singire mu santidza Yahova Nyasaye wenyu wokutwula mihiga nemihiga kuduka ku mihiga nemihiga; na lieta lilyo lyobukumi lidzominywe, lyobukumi kuvita bugasu bwosi nelidzominywa lyosi.

Zaburi 111:9

U leteye avandu veve ubuhonnyi; U lagi lilagana lilye li ve ho mihiga nemihiga: Lieta lilye li veye litakatifu na lyokutibwa.

Zaburi 48:10

Kuli lieta lilyo li veye, O Nyasaye, Na ndiyo lidzominywa lilyo li veye ku kiheri kyelirova: Mkono mulungi gugwo gwizuye ubulungi.

Zaburi 50:7

Avandu vange, mu hulire, na nda vola; O Israeli, na nda ku lolekidzira: Mbeye Nyasaye, kali Nyasaye wowo.

Zaburi 61:5

Kigira ive, O Nyasaye, u huliye lilagana lyange: U haani ku inze miyandu gya yava ava tidzanga lieta lilyo.

Zaburi 72:19

Lieta lilye lyobukumi li gasidzwe mihiga nemihiga Lirova lyosi lizuye ubukumi bwibwe. Amini, na Amini.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Zaburi 99:3

Vidzominye lieta lilyo linene na lyokutibwa: A veye Mutakatifu.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Jeremia 5:12

Vambakani Yahova, nokuvola, Uyu si a li iye mba; kandi si ku la lola kivavi kinga inzala mba:

Jeremia 5:22

Si mu tia inze? Yahova a vola: si mu degera imbiri wommoni mwange, inze wa vika muyeke kuva lwako lwenyanza, ku lilaga li singiranga madiku gosi, i vule kunyala kuvita? Kali viguvuli vyayo ni vyehinula, si vi nyala kuguuta; kali ni vi luuma, si vi nyala kuvita kulwo.

Malaki 1:14

Navutswa a laamwe uyu u gadanga u veye mu kyayo kikye kisatsa, navutswa a laga, nokuhaana ku Yahova kindu kilema; kigira mbeye Mwami munene, Yahova wa mahe a vola, na lieta lyange li tihidzangwa mu tsihiri.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Kwidzulitsa 28:15

Navutswa ga la va, nu u va nu u vula kuhulira mwoyo gwa Yahova Nyasaye wowo, kukola malago gege gosi nemiima gyigye gya nku laganga lero, hene yaho vilaamo yivi vyosi vi la duka ku ive, nokukunyola.

Kwidzulitsa 28:59

hene yaho Yahova a la kola maduya gogo ga ve geligenya, namaduya golwivulu lulwo, maduya manene ligali, na ga madiku manyingi, nobulwaye budinyu, bwokumenya madiku manyingi.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.