Kwidzulitsa 28:35 - KITABU KITAKATIFU

³⁵ Yahova a la ku duya ku masigamo, noku virenge, namavimba maliduhu, ga u ta nyala kuhonywa, kutwula ku induvatiru yekirenge kikyo, kuduka mu lwote lwomutwe gugwo.

Kwidzulitsa 28:35 ပူးပေါင်းရင်းမြစ်များ

2 Samweli 14:25

Mu Israeli mwosi si ha li no mundu kali mulala welidzominywa ku bulahi bwibwe bweligondo kuli Abisalom; kutwula ku induvatiru yeye kuduka ku lwote lwomutwe gwigwe si ya li nobulema kali hakuzu.

Isaya 1:6

Kutwula ku induvatiru kuduka ku mutwe si ha veye nobulamu mba; navutswa tsing'oma, nobukinduki, netsinkwagu: na vi vuli kubohererwa, na vi vuli kunazwa, na vi vuli kuvakwa namaguta.

Isaya 3:17

kigira yaga Yahova a la kuya avakana va Zioni yavo nobufuma ku mitwe, na Yahova a la lang'aminya vyaviswa vyavo.

Isaya 3:24

Na ga la duka, mu bugono bwe vifunyanga mwayu gu la funya ubugundu; nombugono bwobutsiiri, ha la va na lufuno, nobugono bwelisu lya navwa, ha la va ne kyavusu; nombu gono bwekisibao, ha la va netsingu; bo tsyamagunia; na maballanda ga la va mbugono bweligondo lilahi.

Kwidzulitsa 28:27

Yahova a la ku duya na livimba lya Egepeti, nelihi, nolwiyage, nokwekuta, vya u vula kuhona.

Kwidzulitsa 28:34

kuduka u ve wobulalu kigira lilola lyetsimoni tsitsyo tsi li lola.

Likunula 16:2

Kandi uyu wokutanga ya tsia, ni yagulula kituva kikye ku lirova; nakyo kya gwa lwangaala ludamano ligali ku vandu ava li nekyokumanyirwa kya uyu inyama, ava sigamira kifwananyi kikye.