Kwidzulitsa 28:30 - KITABU KITAKATIFU

³⁰ U la kwa mukali, nomusatsa wundi a la va naye, u lombaka inyumba, na u la vula kumenya muyo: u la simika muzabibu, u la vula kutumekira makuyu gagwo.

Kwidzulitsa 28:30 ပူးပေါင်းရင်းမြစ်များ

2 Samweli 12:11

Yahova a ku volera, Henza, nda vukidza budamano ku ive mu inyumba yoyo mwene; na nda vugula vakali vovo imbiri wetsimoni tsitsyo, nda va haana ku mutende wowo naye a la gona navakali vovo mu bulavu bweliuva yili.

Ayubu 20:18

Vya ya nyankana kuvyo a la virannya, si a la vi mira mba; Kuli ubutugi bwa ya nyola, si a la sangala mubwo.

Ayubu 3:18

Ha zana avahambe velemeridzahalala Si va huliranga mwoyo gwomu singiriri.

Ayubu 31:10

Hene yaho mukali wange a sie ku wundi Navandi va mwinamire.

Isaya 62:8

Yahova wisuhi nomukono gwigwe mulungi, nomukono gwetsingulu tsitsye, Ligali inze si nda haana kandi ku vasigu vovo ubuswage bubwo kuva vyokulia vyavo; avageni si va la nwa iwaini yoyo, ya mwinye mwa yinzira:

Jeremia 12:13

Va tagi ingano, na va gesa amafwa; vesaliridza avene, si va nyolanga madanyi: va la va isoni mu makuyu genyu, kigira ubutima bululu bwa Yahova.

Jeremia 6:12

Netsinyumba tsyavo tsi la va tsya vandu vandi, milimi gyavo navakali vavo halala; kigira nda nyira mukono gwa nge ku avandu vekivala, Yahova a vola.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Lisyoma lya Jeremia 5:11

Vononnya vakali netsingulu mu Zioni, Avakana vagima mu madala ga Yuda.

Lisyoma lya Jeremia 5:2

Miyandu gyetu gyi girunkannyeywi kutsia ku vageni, Tsinyumba tsyetu tsi veye tsya avandu vandi.

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Mika 6:15

U la taga, navutswa u la vula kugesa; u la mina mizeituni, navutswa si u levaka maguta gagyo; na lyagula lyemizabibu u la va nalyo, navutswa si u la nwa iwaini.

Habakuk 3:17

Kigira kali mukuyu ni gu vuli kulavidza kimuli, Kandi makuyu ni ga ta li mu mizabibu; Na miyinzi gyemizeituni gyi la diva Na milimi si gyi la leta vyokulia; Kyayo ki la twulidzwa mu kego, Kandi si ha la va ne kyayo kyetsing'ombe mu kego:

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Kwidzulitsa 28:31

Ing'ombe yoyo i liitirwa imbiri wetsimoni tsitsyo, u la vula kulia inyama yayo: u la nyagwa isukiri yoyo netsingulu imbiri wommoni mumwo, u la vula kwiranyirwa: amagondi gogo, musigu wowo a la hebwa, u la vula kunyola mundu wokukuhonnya.