Kwidzulitsa 28:27 - KITABU KITAKATIFU

²⁷ Yahova a la ku duya na livimba lya Egepeti, nelihi, nolwiyage, nokwekuta, vya u vula kuhona.

Kwidzulitsa 28:27 ပူးပေါင်းရင်းမြစ်များ

Zaburi 78:66

Na ya duya avasigu veve, na a virannya inyima: Nokuvavika mutsisoni tsyemihiga nemihiga.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 9:10

Navo va vugula ligoke lye kisambiru, noku singira imbiri wa Farao; na Musa ya Ivuha igulu; na lya gwa mavimba noku twulika ku vandu noku mitugu.

Kutwula 9:11

Na avasegetiri si va nyala kusingira imbiri wa Musa kigira mavimba; kigira mavimba ga li ku avasegetiri, noku Avaegepeti vosi.

Kutwula 9:9

Nalyo li la gwa ulugukyi lukekeke ku kivala kyosi kya Egepeti, li la va livimba li twulika na mavimba ku avandu noku mitugu, mu kivala kyosi kya Egepeti.

Isaya 3:17

kigira yaga Yahova a la kuya avakana va Zioni yavo nobufuma ku mitwe, na Yahova a la lang'aminya vyaviswa vyavo.

Kyavalevi 21:20

kinga u veye nekiguku, kinga wa ku vera, kinga wekilive, kinga wolwiyage, kinga wa magakala, kinga wa duvuka tsingovole;

Amosi 4:10

Nda leta hagati henyu iplegi ku lugano lwa Egepeti: ndiita avasoleli venyu nekivavi, netsiparasi tsyenyu ntsi twulidzeywi ku mwinye; na nda kola lifunya lya hokusosa henyu kwa negira igulu nokwingira mu amolo ge nyu: navutswa si mu galuki ku inze, Yahova a vola.

Kwidzulitsa 28:28

Yahova a la ku duya nobulalu, nobuboku, ligenya lyomwoyo;

Kwidzulitsa 28:35

Yahova a la ku duya ku masigamo, noku virenge, namavimba maliduhu, ga u ta nyala kuhonywa, kutwula ku induvatiru yekirenge kikyo, kuduka mu lwote lwomutwe gugwo.

Kwidzulitsa 7:15

Na Yahova a la twulidza ku ive ubulwaye bwosi; si a la vika ku ive ubudekere ku tsing'ano tsyosi, bwa wa manya mu Egepeti, navutswa a la bu vika ku yavo vosi ava dunyira ive.

1 Samweli 5:12

Navandu va vula kukudza va duywa namihi; nalilira lyelidala lya duka migulu.

1 Samweli 5:6

Navutswa mukono gwa Yahova gwa li muliduhu ku avandu va Ashidodi, na ya va dividza, nokuvakuya namihi, mu lidala lya Ashidodi nomu kivala kyosi kya li kumbiridza.

1 Samweli 5:9

Na ga duka, lwa va mala kulihila, mukono gwa Yahova gwa li ku lidala yilyo nekivi kinene: na ya kuya avasatsa velidala yilyo, avakekeke navanene; namihi ga va gwira.