Kwidzulitsa 28:25 - KITABU KITAKATIFU

²⁵ Yahova a la ku kola u duywe imbiri wavasigu vovo; u la va twulira ku inzira indala, u liruka imbiri wavo ku tsinzira tsitano na tsiviri: na u la sikiswa yiyi ne yiyi mu ubwami bwosi bwo mu lirova.

Kwidzulitsa 28:25 ပူးပေါင်းရင်းမြစ်များ

1 Avami 8:33

Lwa avandu vovo Israeli va kuywa imbiri wa vasigu, kigira va koli ubwoni imbiri wowo; ni virana kandi ku ive, nokweyama lieta lilyo nokukusaala nokuhomba ku ive mu inyumba yiyi:

2 Kyetsinyinga 28:8

Avana va Israeli va gumira vahambe ku vamwavo vavo avandu tsielfu tsimia tsiviri, avakali, navayai, navakana, va vugula kandi vilanye vinyingi, ni va tsia nevilanye zana Samaria.

2 Kyetsinyinga 29:8

Kigira yaga ubutima bwa Yahova bwa li ku Yuda na Yerusalemi, naye ya va vika habulavu va sikiswa yiyi neyiyi, va ve kyokugenyirwa, na kyokuku nukirwa, kuli mu lola netsimoni tsyenyu.

2 Kyetsinyinga 6:24

Ni i va avandu vovo Israeli va kuywa imbiri wavasigu, kigira voni imbiri wowo, ni virana nokweyama lieta lilyo, ni va saala nokuhomba imbiri wowo mu inyumba yiyi;

Isaya 30:17

Ava elfu indala va liruka ku ligondoka lyomulala; ku ligondoka lya vatano mu liruka: kuduka mu la lekwa kuva kuli kilolero ku isonga yekigulu, na kuli ibendera ku kigulu.

Jeremia 19:7

Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.

Jeremia 24:9

nda va twulidza va sigiswe yiyi na yiyi hagati ho ubwami bwelirova bwosi, ku budamano; va duka kuva linyega, nolugano, nekihenyahenye, nelilaamwa, hosi ha ndi va komolola yo.

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Ezekieli 23:46

Kigira Mwami Nyasaye a vola ndi: Nda leta ubunyingi bwavandu kuvo, nda va haana va hinulanywe yiyi neyiyi, nokunuulwa.

Hosea 8:3

Israeli u teye aga li malahi: musigu a la mu londerera.

Kyavalevi 26:17

Kandi nda vika mumoni mwange kuvukira mwinye, na mu la kuywa imbiri wa avasigu venyu: navo ava mu dunyira va lameha ku mwinye; na mu liruka inyinga ya a ta veye ho u mu kunganga.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 28:7

Yahova a la kola avasigu vovo ava ku vukiranga va duywe imbiri wowo: va la ku twulira ku inzira indala, na va liruka imbiri wowo ku tsinzira tsitano na tsiviri.

Kwidzulitsa 32:30

Mulala a nyala ndi kukunga elfu N a vaviri va nyala ndi kukunga tsielfu likumi, Ni ga ta li Lwanda lwavo lwa va gulidza, Na Yahova ku va leka havulavu?

Joshua 7:4

Kunangwa avandu vasatsa ava duka kuli tsielfu tsivaka mu avandu yava va tsia: navo viruka imbiri wa avandu va Ai.

Vakalagi 2:14

Nobutima bwa Yahova bwaaka ku Israeli, na ya va vika mmakono ga yavo ava va lanya; na ya va gulidza na ya va vika mmakono gavasigu vavo ava li ku tsimbega tsyavo, si va nyala kandi kusingira imbiri wavasigu vavo.

1 Samweli 4:10

Na Vafilisiti va lwana, na Israeli va kuywa, ni viruka sa mulala ku lihema lilye: na ha li neliitwa linene ligali; ni va gwa mu Israeli avasatsa tsielfu makumi gavaka.