Kwidzulitsa 28:22 - KITABU KITAKATIFU

²² Yahova a la ku duya namagero, noluhudza, nokuhiya, noluya, nekivavi, neliniala, nobuguku; navyo vi la kukunga u luhe u dive.

Kwidzulitsa 28:22 ပူးပေါင်းရင်းမြစ်များ

1 Avami 17:7

Na lwenyima, mugera yigwo gwa kama, kigira imbula ya vula kukupa mkivala.

1 Avami 8:37

Inzala ni yingira mu kivala, kinga plegi, kinga kimeyi, kinga bu guku, kinga tsisiti, kinga tsinkungu; ni i va vasigu vavo va va kumbiridza mu madala gekivala kyavo; liduya ku gosi, nobulwaye ku bwosi, ubu duka kuva ho;

2 Kyetsinyinga 6:28

Inzala ni yingira mu kivala, kinga iplegi, kinga kimeyi, kinga ulu guku, kinga tsisigi, kinga madede; kinga lwa va kumbiridzwa navasigu vavo mu kivala kyamadala gavo; mu maduya gosi, nobulwaye bwosi bu duka kuva ho;

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Kyavalevi 26:16

inze kandi nda l mu kolera yaga: nda vika ku mwinye litihidza, kuli ubulwaye bwekiritu bunene na luhudza, vyokwononya tsimoni tsyenyu, nokung'ahidza mwovo gwenyu; mu la taga bugutsa bwenyu vutswa, kigira avasigu venyu va la bu lia.

Amosi 4:9

Nda mu kuya nekimeyu noluguku: nobunyingi bwemilimi gyenyu na malimiru genyu gemizabibu nemisala genyu gyamakuyu na mizeituni ge nyu, ubutsiriri bwa lia: navutswa si mu galuki ku inze, Yahova a vola.

Haggai 1:11

Na nda langa kimeyu ki duke ku kivala, noku vigulu, noku ubuswage, noku iwaini impya, noku maguta, noku vyamera, noku vandu, noku mitugu, noku mi yinzi gyosi gyamakono genyu.

Haggai 2:17

Nda mu kuya nekimeyu noluguku, nembula ya magina mu mi yinzi gyosi gya makono genyu; navutswa si mu yeka ku inze, Yahova a vola.

Haggai 2:19

Bugutsa bu kikiri mu kyagi? Yee, muzabibu, na mukuyu na makomamanga, na muzeituni, vi kikiri kwama; kutwula lidiku yili nda mu gasidza.

Zekaria 14:12

Kandi ipelegi ya Yahova a la duyira avandu vosi avalwana na Yerusalemi, ni yiyi: tsinyama tsyemibiri gyavo tsi la nyanyika ni va singiye nevirenge vyavo, tsimoni tsyavo tsi la nyanyika mu mitwe gyavo, na tsinimi tsyavo tsi la nyanyika mu minwa gyavo.

Kwidzulitsa 28:23

Neligulu lilyo li veye igulu ku mutwe gugwo li la gwa mugasa, nekivala ki veye isi wowo ki la gwa kivya.

Kwidzulitsa 32:24

Inzala i la va dambidza, namanda gomuliru ga la va lia Nelidividzwa lilulu; Na nda leta kuvo amino getsinyama, Halala nobusungu bwevindu vi molanga mmarova.

Kwidzulitsa 4:26

nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.