20 Yahova a la leta ku ive vilaamo, nekivi, nelihebwa mageli, mu vyosi vya u vika ku mukono gugwo kukola, u luhe u dive, nokugota bwangu; kigira ubudamano bwelikola lilyo, lyagira ni u ndeka.
Tsinyinga tsyosi tsya ki vita hagati, ki la vugula mwinye; kigira ki la vita mugamba nomugamha, inyi nga yombasu na inyinga yobudiku; i la va litihidza lyere kumanya likuva.
Ava elfu indala va liruka ku ligondoka lyomulala; ku ligondoka lya vatano mu liruka: kuduka mu la lekwa kuva kuli kilolero ku isonga yekigulu, na kuli ibendera ku kigulu.
Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.
Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.
Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,
Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.
Yahova a la laga ubugasu budze ku ive mu magungi, na mu vyosi vya u vika ku mukono gugwo; na a la ku gasidza mu kivala kya Yahova Nyasaye wowo a ku ha.
nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.
Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.
Na Saulo navandu vosi va li halala naye va vugana halala, kutsia ku lihe: na henza, kivavi kya mundu sa mulala kya li ku wakye, na ha li nekivihiri kinene ligali.