Kwidzulitsa 28:15 - KITABU KITAKATIFU

¹⁵ Navutswa ga la va, nu u va nu u vula kuhulira mwoyo gwa Yahova Nyasaye wowo, kukola malago gege gosi nemiima gyigye gya nku laganga lero, hene yaho vilaamo yivi vyosi vi la duka ku ive, nokukunyola.

Kwidzulitsa 28:15 ပူးပေါင်းရင်းမြစ်များ

Litanga 3:14

Ma Yahova Nyasaye ya volera inzoka, Kigira u koli likuva yili, u laameywi kuvita mitugu gyosi, nokuvita tsinyama tsyosi tsyombulimu; u la molera inda yoyo, kandi u la lia ulugukyi madiku gosi gelimenya lilyo:

Litanga 4:11

Kalunu u laameywi kutwula mu iirova, li kunuye munwa gwalyo kuvugula amasahi ga amwavo wowo ku mukono gugwo;

Litanga 4:12

kutwula kalunu lwa u lima, si li la leta ku ive tsingulu tsyalyo; u la va mwivisi nomugendagendi ku lirova.

2 Kyetsinyinga 12:5

Ma muprofeti Shemaia ya tsia ku Rehoboam noku vanene va Yuda, ava vungidzwa ha Yerusalemi ha virukira Shishaka, na ya va volera, Yahova a vola, Mwinye mwa leka inze, kigira yaga inze nda leka mwinye mmukono gwa Shishaka.

2 Kyetsinyinga 34:24

Yahova a vola ndi, Henza, nda leta budamano yibu hano noku va menyanga ho, nabwo ni vilaamo vyosi vya ng'odwa mu kitabu kya va soma imbiri womwami wa Yuda.

2 Kyetsinyinga 7:19

Navutswa ni mu girunkana, nokuleka lilagana lyange na malago gange aga mbiki imbiri wenyu, ni mu tsia kutumekira avanyasaye ava ndi, nokuvasigamira;

Isaya 3:11

Bu damano bu ve ku mudamano ki la va kivi kuye; kigira a la hebwa likola lyamakono gege.

Jeremia 11:8

Navutswa si va hulira, kinga kutegidza amatu, navutswa va genda sa mulala mu bukyamu bwomwoyo gwigwe mudamano: kigira yaga nda leta kuvo makuva gosi gelilagana yili, lya nda va laga va kole, navutswa va vula kugakola.

Jeremia 26:4

Na u la va volera, Yahova a vola ndi: Ni mu va ni mu vula kumbulira, kugenda mu lilaga lyange, lya nda vika imbiri wenyu,

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Jeremia 36:31

Na inze nda mu ha mageli, uyu nekisukululwi kikye navatumekiri veve kigira bu damano bwavo; na nda leta kuvo, noku vamenyanga Yerusalemi, noku avandu va Yuda, ubudamano yibwo bwosi bwa nda vola kuvo; navutswa si va bugirira kumbulira mba.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 40:2

Munyampara wavalindi ya vugula Jeremia, na a mu volera, Yahova Nyasaye wowo ya vola budamano yibu hano;

Lisyoma lya Jeremia 2:17

Yahova u koli aga ya saavira; u dukidzi likuva lilye lya ya laga mmadiku ga kale; U tsomi hasi, si ya vera tsimbabasi mba: Ya ha musigu lisangala ku ive; ya kuminya lwiga lwa yavo ava dambidzanga ive.

Hosea 7:12

Lwa va tsia, nda tega mutego kuvo; na nda va gwihidza hasi kuli manyonyi gombwerefu; nda va ha mageli kuli livugana lyavo lya hulira.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Vagalatia 3:10

Kigira ku yavo ava veye mu vikolwa vyelilaga va veye mu lilaamwa: kigira ga ng'odwa, Ku vosi u ta menya mu vindu vyosi vya ng'odwa mu kitabu kyelilaga a vi kole, a laamangwa.

Kwidzulitsa 11:28

nevilaamo vi ve ho ni mu va ni mu vula kuhulira malago ga Yahova Nyasaye wenyu, ni mu girunkana kutwula ku inzira ya mmu laganga lero, kulonda vanyasaye vandi, ava mu vula kumanya.

Kwidzulitsa 28:2

nobugasu yibu bwosi bu la duka ku ive, nokukunyola, lwa u hulira mwoyo gwa Yahova Nyasaye wowo.

Kwidzulitsa 28:45

Nevilaamo yivi vyosi vi la duka ku ive, na vi la ku londa, nokukunyola, u luhe u dividzwe; kigira si wa hulira mwoyo gwa Yahova Nyasaye wowo, nokugumira malago gege nemiima gyigye gya ya ku laga:

Kwidzulitsa 29:19

na ga veye, na a va na a hulira amakuva gevilaamo yivi, yegasidze mmwoyo gwigwe, a vole, Nda va nemirembe, kali ni ng'enda mu kirage kyomwoyo gwange, kumeda lihambika ku ubuluhu.

Kwidzulitsa 29:20

Yahova si a li msameha, navutswa inyinga yeyo ubutima bwa Yahova nelikendeka lilye vi la vuya mwoki ku mundu uyu, nevilaamo vyosi vya ng'odwa mu kitabu yiki vi la menya kuye, na Yahova a leya lieta lilye isi weligulu.

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Joshua 23:15

Kandi ga la va, kuli vindu vilahi vyosi vya duka ku mwinye vya Yahova Nyasaye ya mu volera makuva gavyo, ni ndiyo kandi Yahova a la leta ku mwinye vindu vyosi vidamano, kuduka kumudividza mu twule mu kivala yiki kilahi kya Yahova Nyasaye ya mu ha.

Joshua 23:16

Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.

Vakalagi 2:15

Hosi ha va tsia, mukono gwa Yahova gwa li kuvo nobudamano, kuli Yahova ya vola, na kuli Yahova yisuha kuvo: navo va nyankana ligali.

1 Samweli 4:10

Na Vafilisiti va lwana, na Israeli va kuywa, ni viruka sa mulala ku lihema lilye: na ha li neliitwa linene ligali; ni va gwa mu Israeli avasatsa tsielfu makumi gavaka.