Kwidzulitsa 28:1 - KITABU KITAKATIFU

¹ Na ga la duka, nu u va nu u hulira ligali mwoyo gwa Yahova Nyasaye wowo, nokulinda nokukola malago gege gosi ga nku laganga lero, hene yaho Yahova Nyasaye wowo a la ku vika igulu ku tsihiri tsyosi tsyomu lirova:

Kwidzulitsa 28:1 ပူးပေါင်းရင်းမြစ်များ

1 Kyetsinyinga 14:2

Na Daudi ya manya Yahova u mali kumusinge ridza kuva mwami ku Israeli; kigira ubwami bwibwe bwa nenehidzwa ligali, kigira avandu veve Israeli.

Zaburi 106:3

Va veye nobugasu ava gumira likalaga lilungi Na uyu u kolanga ubulungi tsinyi nga tsyosi.

Zaburi 111:10

Kutia Yahova ni litanga lyobugeeri; Lihulira lilahi li veye ku vosi ava kolanga malngo gege: Lidzominywa lilye li menyanga mihiga nemihiga.

Zaburi 119:128

Kunangwa mbugirira amegidzo gogo gosi ku ryosi kuva ma lungi Kandi ndunyira tsinzira tsyositsyobugadi.

Zaburi 119:6

Hene yaho nda vula kuva netsisoni, Lwa mbenza amalago gogo gosi.

Zaburi 148:14

A gingira avandu veve lwiga Lidzominya lyavatakatifu veve vosi; Kali lya avana va Israeli, avandu ava veye himbi kuye. Mwidzominye Yahova.

Zaburi 91:14

Kigira u viki ubuyanzi bwibwe ku inze, kunangwa nda mu honnya: Nda mu vika higulu kigira a manyi lieta lyange.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 23:22

Navutswa nu u hulira mwoyo gwigwe, noku kola gosi aga mbolanga; hene yaho nda va musigu wa avasigu vovo na musaliridzi wa yavo ava ku saiiridzanga.

Kutwula 23:25

Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Isaya 1:19

Ni i va mu bugirira nokuhulira, mu la lia ubulahi bwekivala:

Isaya 3:10

Mu vole ku mulungi, ga la va amalahi kuye: kigira va la lia makuyu gevikolwa vyavo.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 17:24

Na ga la duka, ni mu mbulira ligali, Yahova a vola, ni mu va ni mu vula kuleta musigo kali mulala ku viribwa vyelidala yili ku lidiku lyelisabato, navutswa ni mu takasa lidiku lyelisabato, mu vule kukola miyinzi ku lidiku yilyo;

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Luka 9:48

na a va volera, Ku vosi u li bugirira mwana mukekeke uyu kigira lieta lyange, a bugirira inze; kandi ku vosi u li bugirira inze, a bugirira wa ntuma: kigira u veye mukekeke ku mwinye vosi, uyu niye munene.

Yohana 15:14

Mwinye mu veye avalina vange, ni mu kola vindu vya mmu laga.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Vagalatia 3:10

Kigira ku yavo ava veye mu vikolwa vyelilaga va veye mu lilaamwa: kigira ga ng'odwa, Ku vosi u ta menya mu vindu vyosi vya ng'odwa mu kitabu kyelilaga a vi kole, a laamangwa.

Kwidzulitsa 11:13

Kandi ga la va, ni mu va ni mu hulira ligali malago gange ga mmu laganga lero, kuyanza Yahova Nyasaye wenyu, nokumutumekira nomwoyo gwenyu gwosi, naroho gwenyu gwosi,

Kwidzulitsa 11:27

ubugasu bu ve ho, ni mu va ni mu hulira malago ga Yahova Nyasaye wenyu, ga mmu laganga lero;

Kwidzulitsa 15:5

nu u va nu u hulira ligali mwoyo gwa Yahova Nyasaye wowo, u linde lilaga yili lyosi lya nku laganga lero nokulikola.

Kwidzulitsa 26:18

na Yahova weyami ive lero ndi kuva ihiri yeye mwene, kuli ya ku suuviridza, kandi ga ku dukira kugumira lilaga lilye lyosi;

Kwidzulitsa 26:19

na a la ku vika igulu ku tsihiri tsyosi tsya ya lomba, ku ubukumi, noku lieta, noku lidzominywa; u duke kuva ihiri intakatifu ku Yahova Nyasaye wowo, kuli ya vola.

Kwidzulitsa 28:13

Yahova a la ku kola kuva umutwe, u la vula kuva mkira; na u la va igulu yeng'ine, na u la vula kuva hasi; nu u va nu u k hulira malago ga Yahova Nyasaye a wowo, ga nku laganga lero ndi, noku gahenza nokugakola,