Kwidzulitsa 27:15 - KITABU KITAKATIFU

¹⁵ A laamwe umundu u lombanga kifwananyi ki vadzwa kinga kutuulwa, ki veye livihiriridza ku Yahova, gyi veye miyinzi gyamakono gomusidza, na a ki singeridza makiriri. Navandu vosi va tivule va vole, Amini.

Kwidzulitsa 27:15 ပူးပေါင်းရင်းမြစ်များ

Litanga 31:19

Inyinga zana, Labani ya li na a tsiye kukalaga ubwoya bwa magondi gege: na Raheli yiba vifwananyi vya dada wewe.

Litanga 31:34

Kunangwa Raheli ya vugula vifwananyi, nokuvivika mu kyokwikala ku ku ing'amia, ni yikala kuvyo. Na Labani ya havatidza mu lihema lyosi, navutswa si ya vi nyola mba.

Litanga 9:25

Naye ya vola, Kanani a laamwe; Mutugwa wavatugwa a la va ku vamwavo veve.

2 Avami 17:19

Avandu va Yuda kandi si va gumira malago ga Yahova Nyasaye wavo, navutswa va genda mu malago ga Israeli va kola.

2 Avami 23:13

Na hadiguluku ha li imbiri wa Yerusalemi, ku luvega lwa mukono mulungi lwekigulu kyobwoneku, ha Solomoni mwami wa Israeli yombakira Ashitorethu livihiriridza lya Vasidon, na Kemoshu livihiriridza lya Vamoabu, na Milikom livihiri- ridza lyavana va Amon, mwami yononya ha zana.

1 Kyetsinyinga 16:36

Yahova a gasidzwe, Nyasaye wa Israeli, Kutwula mihiga nemihiga kuduka mihiga nemihiga. Navandu vosi va vola, Amini, ni vidzominya Yahova.

2 Kyetsinyinga 33:2

Na ya kola budamano mu tsimoni tsya Yahova, ku lilonda livihiriridza lyetsihiri tsya Yahova ya ta imbiri wavana va Israeli.

Kutwula 20:23

Mu ta lomba avanyasaye avandi halala na inze mba; avanyasaye vefetha, kinga avanyasaye vethahabu, mu telombera mba.

Kutwula 20:4

U telombera kifwananyi kya vadzwa mba, kali kifwananyi kyekindu kyegulu, kinga kyomu lirova hasi, kinga kyomu amadzi isi welirova:

Kutwula 34:17

U telombera avanyasaye avobunyinda.

Isaya 44:13

Mubadzi a nyira mugoye; ya gu ng'oda nekalamu; na a lomba noluvadziru, na a ng'oda na a gera nekyokukudiemba, na a ki lomba ku lifwana lyomundu, ku ubulahi bwomundu, kumenya mu inyumba.

Isaya 44:17

Na kidonye ki tigaye a ki lomba kuva mu nyasaye; ki veye kifwananyi kikye kya vadzwa; a gwidzanga imbiri wakyo nokusigamira, a ki saalanga, nokuvola, Konya inze; kigira ive u veye munyasaye wange.

Isaya 44:19

Kasi ha veye nomulala widzulitsa, kandi si ha veye nobugeeri kinga limanya kuvola, Inze ngu sambi kido nye mu muliru; yee, kandi ndugiye ubukima ku amanda gagwo; nkalangi inyama, na mali kulia: kunangwa kandi kidonye ki tigaye nki lombe kuva livihiriridza? Nda gwa hasi imbiri wekitinya kyomusala?

Jeremia 11:3

u va volere, Yahova, Nyasaye wa Israeli, a vola. A laamwe mundu uyu u vula kuhulirn makuva gelilagana yili,

Jeremia 11:5

nduke kudinyeridza lyesuha lya ndisuhira vaguga venyu, kuvaha kivala ki gangulukanga amaveere nobwuki, kuli ga veye lero. Hene yaho nda bugirira, nokuvola, Amini, O Yahova.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Jeremia 28:6

muprofeti Jeremia ya vola, Amini: Yahova a kole ndiyo; Yahova a twekidze makuva gogo ga u profeti, a duke kuleta kandi viju vyenyumba ya Yahova, na vosi avahambe, va twule Babuloni vadze ino.

Ezekieli 14:4

Kigira yaga u va volere nokuvavolera, Mwami Nyasaye a vola: Umundu sa mulala wenyumba ya Israeli u vugula kifwananyi kikye nokukivika mu mwoyo gwigwe, nokuvika kyokwikigitalidza kyobudamano bwibwe imbiri wommoni mwimwe, nokutsia ku muprofeti; inze Yahova nda mu tivulira ku likuva lilye kuli ubunyingi bwevifwananyi vivye;

Ezekieli 7:20

Ku makuva gobulahi bwelyesyaha lilye, ya li vika mu bukumi: navutswa yava va kola kubwo vifwananyi velivihiriridza lyavo nevindu vyavo vyokuvihiriridza: kigira yaga nda bu kola kuva kuli kindu kidamano kuvo.

Danyeli 11:31

Kandi vyuma vyobulwani vi la singira hu luvega lwilwe, nava va la vika ubudamano mu hatakatifu, kali mu lugaga, kandi va la twulidza kihaanwa kyokusambua kya kazozo, nokusingeridza livihiriridza li kolanga hatswa.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Kyavalevi 19:4

Mu ta girukana kulonda misambwa, kandi mu telombera avanyasaye ava vadzwa: inze mbeye Yahova Nyasaye wenyu.

Kyavalevi 26:1

Mu telombera vifwananyi ku vyosi, mu tesingeridzira vifwananyi kya vadzwa, kinga kinara kandi mu ta vika ligina lya vadzwa mu kivala kyenyu, kulisigamira: kigira inze mbeye Yahova Nyasaye wenyu.

Livalidza 5:22

na amadzi yaga ga letanga kilaamo ga lingira munda mumwo, nokukuvimbidza inda yoyo, na ivadzwa yoyo kukamika. Na mukali a la vola, Amini, Amini.

Matayo 24:15

Lwa mu lola livihiridzwa lyokwononya ya Danyeli mprofeti ya vola, li singira mu hatakatifu (u somanga a manye),

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

1 Vakorintho 14:16

Kinga nu u va nu u gasidza na roho, u veye haluvega lwa u ta manya a la vola ndi, Amini, ku lisantidza lilyo, na a ta manyi aga u volanga?

Kwidzulitsa 27:14

Na Valevi va tivule, na va volere avasatsa vosi va Israeli nomwoyo munene.

Kwidzulitsa 29:17

na mwa lola livihiriridza lyavo, nekifwananyi kyavo, misala namagina, if etha nethahabu, vya li kuvo);

Kwidzulitsa 4:25

Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Kwidzulitsa 5:8

U telombera kifwananyi kya vadzwa, kinga lifwana lyekindu ku vyosi vi veye mu ligulu, kinga muse mu lirova, kinga ki veye mu madzi musi mwelirova:

Kwidzulitsa 7:25

Vifwananyi vya vadzwa vya vanyasaye vavo u la samba nomuliru: u ta kayirwa ifetha kinga ithahabu i veye kuvyo, kinga u ta vi vugula vi ve vivyo, gase vi la ku hamba; kigira vi veye livihiriridza ku Yahova Nyasaye wowo.

Vakalagi 17:3

Naye yiranyira mama wewe ifetha elfu ne mia indala; namama wewe ya vola, Ligali nda vika ifetha i ve yokugima Yahova i twuli mmukono gwange i ve yomwana wange, kulomba kifwananyi kyokuvadzwa, nekifwananyi kyoku tulwa: kalunu kigira yaga nda yiranyira ive.

Vakalagi 17:4

Na lwa yiranya ifetha ku mama wewe, mama wewe ya l vugula tsifetha tsimia tsiviri, na a ha umusidza wokutula ifetha, naye ya tanga kulomba kifwananyi kyokuvadzwa nekifwananyi kyokutula: ne kifwananyi zana kya li mu inyumba ya Mika.

1 Samweli 26:19

Kunangwa kalunu, nku saala, munene wange mwami u hulire makuva gomutumwa wowo. Na a va na a veye Yahova u vukidzi ive ku inze, a vugule kihaanwa: navutswa ni va va ni va veye avana vavandu, va laamwe imbiri wa Yahova; kigira va nkungi lero, mbule kuhambana nemiyandu gya Yahova, ni va vola, Tsia u tumekire avanyasaye vandi.