Kwidzulitsa 26:17 - KITABU KITAKATIFU

¹⁷ Lero weyami Yahova kuva Nyasaye wowo, kandi weyami kugenda mu tsinzira tsitsye, nokugumira miima gigye na malago gege, nelikalaga lilye, nokuhulira mwoyo gwigwe:

Kwidzulitsa 26:17 ပူးပေါင်းရင်းမြစ်များ

Litanga 28:21

nduke kwirana nemirembe mu inyumba ya dada wange, hene yaho Nyasaye a la va Nyasaye wange

2 Kyetsinyinga 34:31

Na mwami ya singira mbugono bwibwe, na ya lomba lilagana imbiri wa Yahova, kulonda Yahova inyima wewe, nokugumira lilagana lilye, nelilolekidza lilye, na malago gege, nomwoyo gwigwe gwosi, naroho gwigwe gwosi, nokukola ma kuva gelilagana lya ng'odwa mkitabu yiki.

Zaburi 48:14

Kigira Nyasaye uyu ni Nyasaye wetu mihiga nemihiga: A la va mwimiriri wetu kuduka likudza.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Kutwula 19:8

Na avandu vosi va tivula halala, ni va vola, Gosi ga Yahova a voye ku la ga kola. Na Musa ya volera Yahova amakuva gosi Ba avandu.

Kutwula 20:19

Na va volera Musn, U volerane na kwinye, na ku la ku hulira; navutswa Nyasaye a ta volerana na kwinye mba, gase ku la kudza.

Kutwula 24:7

Ma ya vugula kitabu kyelilagana, na a somera mu livugana lya avandu; navo va vola, Yaga gosi aga Yahova a ku voleye ku la ga kola, na ku la ga hulira.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 44:5

Mulala a la vola, Inze mbeye wa Yahova; nowu ndi a lelanga ku lieta lya Yakobo; nowundi a la ng'oda nomukono gwi gwe ku Yahova, na a legulika ku lieta lya Israeli.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Vikolwa 27:23

Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

Varumi 6:13

Kandi mu ta hila vivero vyenyu mu bwoni, kuli viju vyobwoneku; navutswa mwihile ku Nyasaye, kuli ava veye mwoyo kutwula mu vakudzu, ne vivero vyenyu vi ve kuli viju vyobulungi ku Nyasaye.

2 Vakorintho 8:5

Kandi si ga li kuli kwa suuvira, navutswa lwembiri vehila ku Mwami avene, nokweleta ku kwinye kandi nobulaliri bwa Nyasaye.

Kwidzulitsa 13:18

lwa u hulira mwoyo gwa Yahova Nyasaye wowo, nokugumira malago gege gosi ga nku laganga lero, u kole ago bulungi mmoni mwa Yahova Nyasaye wowo.

Kwidzulitsa 15:5

nu u va nu u hulira ligali mwoyo gwa Yahova Nyasaye wowo, u linde lilaga yili lyosi lya nku laganga lero nokulikola.

Kwidzulitsa 27:10

Kunangwa u hulire mwoyo gwa Yahova Nyasaye wowo, u kole malago gege nemiima gigye, ga nku laganga lero.

Kwidzulitsa 29:12

u duke kwingira mu lilagana lya Yahova Nyasaye wowo, nelyesuha lilye, lya Yahova Nyasaye wowo a kolanga nive lero;

Kwidzulitsa 30:16

kuli nku laganga lero kuyanza Yahova Nyasaye wowo, nokugenda ku tsinzira tsitsye, nokugumira malago gege nemiima gyigye nelikalaga lilye, u duke kuva mwoyo nokumedeka, Yahova Nyasaye wowo a duke kukugasidza mu kivala kya wingira mu kukigumira.

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

Joshua 24:22

Na Joshua ya volera avandu, Mwinye mu veye avalolekidzi ku mwinye avene mu tovoye Yahova, mu duke kumutumekira. Navo va vola, ku veye avalolekidzi.