Kwidzulitsa 24:17 - KITABU KITAKATIFU

¹⁷ U ta kyaminya likalagirwa lyomugeni, kinga mbisandu, kandi u ta vugula ingubo yomukunzakali kuva kihambiriru;

Kwidzulitsa 24:17 ပူးပေါင်းရင်းမြစ်များ

Ayubu 22:6

Kigira u vuguye kihambiriru ku amwavo wowo vutswa, Nokunavula tsingubo tsya va veye kyahonyo.

Ayubu 24:3

Va hila isukiri yavabisandu; Va vugula ing'ombe yomukunzakali kihambavayi.

Kutwula 22:20

Uyu wiita isadaka ku munyasaye wundi, na a ta li Yahova ying'ine, a dividzwe ligali.

Kutwula 23:2

U ta londa kiduma kukola ubwoni: kandi u ta kola lilolekidza lilyo mu likuva kugirunkana nokulonda kiduma kukyaminya likalaga:

Kutwula 23:6

U ta kyaminya likalaga lyomudaka mu likuva lilye.

Kutwula 23:9

Kandi mu ta dambidza mumenya: kigira mu manya mwoyo gwomumenya, kigira mwa li avamenya mu kivala kya Egepeti.

Tsing'ano 31:5

Gase va la nwa nokwivirira lilaga, Nokukyaminya likalagirwa lyomundu u veye mu kivi.

Kohelethu 5:8

Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 3:15

kigira ki mu dambidza avandu vange, nokusia mmoni mwa vadaka? Mwami Yahova wa mahe, a vola.

Isaya 33:15

Uyu u gendanga mbulungi, nokuvola agobulungi; u leganga vyambeti vi nyolekanga ku lidambidza, uyu wuhanga makono gege ga vule kuvugula vikukula, u hananga amatu gege ga vule kuhulira ga masahi, nokumwolidza tsimoni tsitsye a vule kuhenza ubudamano:

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Ezekieli 22:29

Avandu vekivala va tumekiranga lidambidza, nelinuula nobululu: yee, va lugutanga avadaka navadambi, nokudambidza ava menya ku ga ta li amalahi.

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Kyavalevi 19:33

Na mugeni na a va na a menya halala nive mu kivala kyenyu, mu ta mu kolera ubudamano.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

Zekaria 7:10

mu ta dambidza mukunzakali, kinga mwana mbisandu, kinga umumenya, kinga mudaka; na mulala ku mwinye a vula kusaavira ubudamano mu mwoyo gwigwe ku amwavo wewe.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Luka 3:14

Navasikari kandi va mu teva, ni va vola, Na kwinye ku kola ndi? Naye ya va volera, Mu ta nuula mundu kindu, kandi mu ta gina mundu; kandi mu bugirire madanyi genyu.

Kwidzulitsa 1:17

Mu ta henza magondo gavandu mu likalaga; mu hulire avakekeke navanene kuleng'ana; mu vule kutia mumoni mwomundu kali mulala; kigira likalaga li veye lya Nyasaye: nelikuva li mu tama mu lete ku inze, nda li hulira.

Kwidzulitsa 16:19

U ta kyaminya likalaga: kinga u ta henza magondo gavandu; kandi u ta vugula vikukula; kigira vikukula vi kyaminyanga tsimoni tsya vageeri, nokugirunkanya makuva gowobulungi.

Kwidzulitsa 24:13

ligali u la mwiranyira kihambiriru inyinga liuva li yera, a duke kugona netsingubo tsitsye, nokukugasidza: na ga la va ubulungi ku ive imbiri wa Yahova Nyasaye wowo.

Kwidzulitsa 24:18

navutswa widzulitse wa li mutugwa mu Egepeti, na Yahova Nyasaye wowo ya ku bohololayo: kunangwankulaganga kukola likuva yili.

Kwidzulitsa 24:6

Mundu ku vosi a ta vuguia lugina lwokusyera ku, kinga isyu kuva kihambiriru; kigira a vuguia livamwoyo lyamundu kuva kihambiriru.

Kwidzulitsa 27:19

A laamwe u kyaminyanga likalagirwa lyomugeni, nombisandu, nomukunzakali. Navandu vosi va vole Amini.

Yakobo 2:6

Navutswa mwinye mwononnyi lidzominywa lyomundu mudaka. Avatugi si va mu minanga, nokumung'usa kuduka imbiri wentebe yelikalaga?