Kwidzulitsa 23:23 - KITABU KITAKATIFU

²³ Aga twuli ku munwa gugwo u ga gumire nokugakola; kuli wa wivika lyelaga ku Yahova Nyasaye wowo, ni ki veye kihaanwa kyobuyanzi, kya wa suuviridza nomunwa gugwo.

Kwidzulitsa 23:23 ပူးပေါင်းရင်းမြစ်များ

Zaburi 116:18

Nda tunga vya nda laga vyange ku Yahova, Yee, imbiri wa avandu veve vosi,

Zaburi 50:14

Haana ku Nyasaye kihaanwa kyelisantidza; Nokutunga ga u lagi ku U Veye Igulu Ku Vyosi

Tsing'ano 20:25

Gu veye mutego ku mundu kuvola bwangu bwangu, Ni kitakatifu, Nokuteveridza inyima wokulomba lilagana.

Jeremia 44:17

Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

Kyavalevi 27:2

U volere avana va Israeli, na u va volere, Lwa mundu a singeridza lilagana mwene, avandu va la va ku Yahova kuli livalidza lilyo.

Livalidza 30:2

Inyinga mundu ku vosi yesuha lisuha ku Yahova kinga lwa yenya kwisuha a duke kweboha mwene, a la vula kwononya livola lilye; a la kola kuli gosi ga twula mu munwa gwigwe.

Matayo 5:33

Kandi mwa hulira, ga volwa ku va li va kale, U tisuhira ububehi navutswa u la kolera Mwami aga wisuhira:

Vikolwa 23:12

Lwa bwa kya Avayuda va hambana halala, ni visuha, ni va vola, si va nyala kulia, kandi si va nyala kunwa va kikiri kwiita Paulo.

Vikolwa 23:21

Navutswa u ta bugirira amakuva gavo: kigira avandu va vita amakumi gane va mu setera, va mali kwisuha va ta lia, kandi va ta nwa va kikiri kumwiita: kalunu vetegeki, va linda lisuuviridza lilyo.

Kwidzulitsa 23:22

Navutswa ni i va u vula kwivika lyelaga, si bu la va ubwoni ku ive mba.

Kwidzulitsa 23:24

Lwa wingira mmulimi gwa muzabibu gwo mutende wowo, u lie amazabibu ago ku kwigutidza, kuli liyanza lilyo; navutswa u ta ga vika mu kiju kikyo.

Joshua 9:18

Na avana va Israeli va vula kuvakuya, kigira avanene velivugana va li ni va rnali kuvisuhira ku Yahova, Nyasaye wa Israeli. Nelivugana lyosi lya monya avanene.

Vakalagi 11:35

Kunangwa lwa ya mu lola, ya tandula tsingubo tsitsye, na a vola, O ivani i, mukana wange ive u ngehidzi ligali, na u veye mulala ku yavo ava nyankidzanga; kigira inze nkunuliye Yahova munwa gwange, na si nyala kwirana inyima.

1 Samweli 1:11

Na ya vika lilagana, na a vola, O Yahova wamahe, ive nu u va nu u henza ligali ubuvereri bwomukana mutugwa wowo a veye nabwo, nokunzidzulira, na u vule kunzivirira inze mukana mutugwa wowo, na u haane ku inze mukana mutugwa wowo umwana muyai, hene yaho inze nda mu haana ku Yahova madiku gosi gelimenya lilye, nolugembe lu la vula kuduka ku mutwe gwigwe ligali.

1 Samweli 14:24

Avasatsa va Israeli va kupa kivi ligali lidiku yilyo; kigira Saulo yisuhidza avandu, na a vola, A laamwe umusatsa u lia vyokulia ku vyosi kuduka mgolova, na inze ndevanzira kisalya ku vasigu vange. Kunangwa si ha li nomundu kuvo wa tsatsama kyokulia.