Kwidzulitsa 21:23 - KITABU KITAKATIFU

²³ mubiri gwigwe mukudzu gu ta menya ku musala budiku bwosi, ta navutswa ligali u mu te lidiku zana; kigira u sungeywi, Nyasaye u mu laami; gase u lononya kivala kikyo kya Yahova Nyasaye wowo a ku ha kuva miyandu gyigyo.

Kwidzulitsa 21:23 ပူးပေါင်းရင်းမြစ်များ

2 Samweli 21:10

Na Rizipa mukana wa Aia ya vugula magunia ni yeyalira mwene ku lwanda, kutwula ku litanga lyeligesa, kuduka va kupidzirwa amadzi ku twula migulu: na si ya leka manyonyi gombwerefu kugwa kugo inyinga yombasu, kinga tsinyama tsyommulitu inyinga yobudiku.

2 Samweli 21:6

avandu vatano na vaviri ku avana veve va twulidzwe va haanwe ku kwinye, na ku la va sunga igulu imbiri wa Yahova mu Gibea lya Saulo, mu tovole wa Yahova. Na mwami ya vola, Nda va ha.

2 Avami 10:8

Mutumwa yadza, na a mu volera, na a vola, Va leti mitwe gyavana vomwami. Naye ya vola, Mu gyi vike vitumi viviri ha bwingiriru bwekiribwa ku duka mugamba.

Ezekieli 39:12

Na inyumba ya Israeli i la va mu li ta yavo imyeli gyitano na gyiviri, va duke kutakasa kivala.

Kyavalevi 18:25

na kivala ki veye kidamano: kunangwa mbikanga ubudamano bwavo kukyo, na kivala ki lukanga avandu vakyo nokuvatwulidza.

Livalidza 25:4

Na Yahova ya volera Musa, U vugule avanene vosi va avandu, na u va sunge imbiri wa Yahova, imbiri weliuva, ubutima bululu bwa Yahova bwiranywe kutwulidzwa ku Israeli.

Yohana 19:31

Kunangwa Avayuda, kigira lya li lidiku Lyokulomba, avakudzu va ta va ku misalaba ku lisabato (kigira lidiku lyelisabato yilyo lya li linene) va saava Pilatu virenge vyayo vi vunanywe, va twulidzwe.

Varumi 9:3

Kigira nyala kuyanza inze mwene mbe wa laamwa kutwulidzwa ku Kristo kigira avamwavo vange, avika ku lugano lwomubiri;

1 Vakorintho 16:22

Ku vosi mundu na a ta yanza Mwami, a laamwe lwo Mwami a ladza.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

Kwidzulitsa 25:19

Kunangwa ga la va, lwa Yahova Nyasaye wowo a ku sosidza ku vasigu vovo vosi, mu kivala kya Yahova Nyasaye wowo a ku ha ki ve miyandu gya u gumira, hene yaho u twulidze lidzulitswa lya Amaleki isi weligulu; u tivirira mba.

Kwidzulitsa 4:21

Kandi Yahova ya vihirirwa inze kigira mwinye, na yisuha si ndambuka Yordani, kandi si ndingira mu kivala kilahi yikyo, lya Yahova Nyasaye wowo ya ku ha kuva miyandu:

Kwidzulitsa 7:26

Na u ta leta livihiriridza mu inyumba yoyo, gase u la leng'ana ne kya laamwa: u ki dunyire ligali, u ki sule ligali, kigira ki veye kindu kya laamwa.

Joshua 7:12

Kigira yaga avana va Is raeli si va nyala kusingira imbiri wavasigu vavo; va girunkana migongo gyavo imbiri wavasigu vavo, kigira va gwiye avalaameywi; na inze si nda va halala nemwinye kandi mba, ni mu vula kudividza kindu kya gimwa ki twule hagati henyu.

Joshua 8:29

Na ya sunga mwami wa Ai ku musala kuduka mgolova: na lwa liuva lya yera Joshua ya laga, na va twulidza mubiri gwigwe ku musala, nokuguta ha bwingiriru bwekiribwa kyelidala, ni va vungidza kugwo kitumi kinene kya magina, kuduka lero.