Kwidzulitsa 21:18 - KITABU KITAKATIFU

¹⁸ Mundu na a va na a veye no mwana mutingu, nou ekirage u sula kuhulira mwoyo gwa dada wewe, kinga mwoyo gwa mama wewe, invinga va mu gerehidza, a sula kuvahulira;

Kwidzulitsa 21:18 ပူးပေါင်းရင်းမြစ်များ

2 Samweli 7:14

Inze nda va dada wewe, naye a la va mwana wange: na a va na a kola budamano nda mu ha mageri nempimbo yava ndu, noku liduya lyavana vavandu;

Kutwula 20:12

Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Kutwula 21:15

Uyu u duyanga dada wewe, kinga mama wewe, ligali a liitwa.

Kutwula 21:17

Uyu u laamanga dada wewe kinga mama wewe, ligali a liitwa.

Tsing'ano 1:8

Mwana wange, u tegidze ugutu ku lyegidza lya dada wowo Na u ta leka lilaga lya mama wowo:

Tsing'ano 13:24

Uyu u gehidza amageli gege a dunyira mwana wewe; Navutswa uyu u mu yanzanga a mu hedzanga amageli inyinga i dukani.

Tsing'ano 15:5

Musiru a leganga lihebwa amageli na dada wewe; Navutswa u bugiriranga lyegidzwa a nyolanga ubugeeri.

Tsing'ano 19:18

U he mwana wowo amageli, kigira lisuuviridza li veye ho; Na u ta vika mwoyo gugwo ku lyoneka lilye.

Tsing'ano 20:20

Ku vosi uyu u nyega dada wewe kinga mama wewe, Itaya yeye i la siminyirwa mu kisundi kinene.

Tsing'ano 22:15

Ubusiru bu boheywi mu mwoyo gwomwana; Navutsua impimbo yokumwegidza i la bu twulidza kuye.

Tsing'ano 28:24

Ku vosi uyu u nuula dada wewe kinga mama wewe, na a vola, Yaga si ga veye lihyolo, Wa zana a veye wakye womwononnyi.

Tsing'ano 29:17

U he mwana wowo amageli, naye a la ku sosidza; Yee, a la sangalidza mwoyo gugwo.

Tsing'ano 30:11

Ha veye nelikula lya nyega dada wavo Na va vula kugasidza mama wavo.

Tsing'ano 30:17

Imoni i sekanga dada wewe, Nokulega lihulira mama wewe, Amajikolo gomwivona ga la gi somola, Na viminyo vyendidzu vi la gi lia.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 1:5

Kigira ki mu kyenyanga likuywa kandi, kuduka kumeda bwebaali? Mutwe gwosi gu lwala, nomwoyo gwosi gu kudzi.

Jeremia 31:18

Ligali mbuliye Efiraim ni yesyomeranga kuvola, Ive u mbeye amageli na inze mbeveywi amageli, kuli kimoli ki kikiri kunala inira: u ngirunkannye, na inze nda girunkanywa; kigira ive u veye Yahova Nyasaye wange.

Jeremia 5:23

Navutswa yavo va veve nemyoyo gyokugirunkana nokwebaala; va girunkani va tsii.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Kyavalevi 19:3

Ku vosi mundu a tie mama wewe, na dada wewe; na mu linde masabato gange: inze mbeye Yahova Nyasaye wenyu.

Kyavalevi 21:9

Na mwana mukana womusalisi, ni yeyononya ku lilonda buheyi, wononya dada wewe: a la sambwa nomuliru.

Kwidzulitsa 21:19

hene yaho dada wewe na mama wewe va mu gumire, nokumuhila ku vakulundu velidala lilye mu kiri bwa kyahango hehe;

Kwidzulitsa 27:16

A laamwe u kyayanga dada wewe kinga mama wewe. Navandu vosi va vole, Amini.

Kwidzulitsa 8:5

Kandi u manye mmwoyo gugwo, kuli umundu a hedzanga mwana wewe amageli, ni ndiyo Yahova Nyasaye wowo a ku hedzanga.

1 Samweli 3:13

Kigira mmu voleye nda kalagira inyumba yeye mihiga nemihiga, kigira ubudamano bwa ya manya, kigira avana veve va letera lilaamwa kuvo, naye si ya vigalira.