Kwidzulitsa 20:8 - KITABU KITAKATIFU

⁸ Kandi avanyampara va mede kuvolera vandu, va vole, Ni mundu ki u veye wobutii nowomwoyo mudedekere? A tsie yirane yengo wewe, gase myoyo gya vamwavo veve gyi la salaluka kuli mwovo gwigwe.

Kwidzulitsa 20:8 ပူးပေါင်းရင်းမြစ်များ

Kutwula 15:15

Hene yaho avami va Edom va genya; Avetsingulu va Moabu, lidegera li va gumiye: Avamenya mu Kanani va kamuluka.

Tsing'ano 24:10

Nu u va nu u kudza mwoyo mu lidiku lyekivi, Tsingulu tsitsyo tsi gehi.

Livalidza 13:31

Navutswa avandu avanegira halala naye va vola, Kwinye si ku nyala kwanegira kutsia kulwana na avandu yavo mba; kigira va veye netsingulu kuvita kwinye.

Livalidza 32:9

Kigiralwa vanegira kwingira mu livona lya Esikoli, nokulola kivala, viita myoyo gya avana va Israeli, va vule kwingira mu kivala kya Yahova ya va ha.

Luka 9:62

Navutswa Yesu ya mu volera, Si ha li nomundu u vika mukono ku ligembe, na a henza inyima, a dukana nobwami bwa Nyasaye.

1 Vakorintho 15:33

M u ta gadwa mba: Ubu hambani ubudamano bwononnyanga miima milahi.

Kwidzulitsa 1:28

Kwanegira kutsia haliha? Avamitu vetu va salulukidzi myoyo gyetu, ni va vola, Avandu yavo va veye avanyingi navatambi kuvita kwinye; namadala ga veye manene, kandi ga veye namadigi kuduka migulu; na kandi kwa lola avana va Anaki va veye ho.

Kwidzulitsa 20:9

Na ga la va, lwa vanyampara va mala kuvolera vandu, va vike avanene vamahe ku vandu.

Kwidzulitsa 23:9

Lwa u twulira vasigu vovo, no u veye hokusosa, welinde ku vindu vyosi vi veye vidamano.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 3:16

Kunangwa kigira u veye noluya, kandi si u veye nekihyu kinga nobukindu, nda ku tudza u twule mu munwa gwange.

Vakalagi 7:3

Kunangwa kalunu u tsie kulandidza mu amatu gavandu, nokuvola Ku vosi u veye nobutii nokudegera yirane a twule mkigulu kya Gileadi. Navo virana kuvo avandu tsielfu makumi gaviri na tsiviri, na va tigala tsielfu likumi.