Kwidzulitsa 2:29 - KITABU KITAKATIFU

²⁹ kuli avana va Esau ava menyi mu Seiru, na Vamoabu ava menyi mu Ari, v a nkolera; nduhe nduke kwambuka Yordani kwingira kivala kya Yahova Nyasaye wetu ya ku ha.

Kwidzulitsa 2:29 ပူးပေါင်းရင်းမြစ်များ

Litanga 19:37

Na munene yivula mwana muyai, na a mu gulika Moabu: wa zana ni dada wa Avamoabu kuduka lero.

Kutwula 20:12

Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Livalidza 20:18

Na Edom ya mu volera, Si u la vita hagati hange, gase nda ku twulira nekivavi.

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 2:9

Na Yahova ya mbolera, U ta dambidza Moabu, kandi u ta hing'ana navo mbulwani; kigira si nda kuha ku kivala kikye ku ki gumira; kigira mmali kuha avana va Loti kugumira Ari.

Kwidzulitsa 23:5

Navutswa Yahova Nyasaye wowo si ya bugirira kuhulira Balaam; Yahova Nyasaye wowo ya girunkanya vilaamo kuva ligasidza ku ive, kigira Yahova Nyasaye wowo ya ku yanza.

Kwidzulitsa 25:15

U ve nekyokugera tsiratili ki dukanu; nekigero ki dukanu: madiku gogo ga duke kuva manyingi mu kivala kya Yahova Nyasaye wowo a ku ha.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:21

Kandi Yahova ya vihirirwa inze kigira mwinye, na yisuha si ndambuka Yordani, kandi si ndingira mu kivala kilahi yikyo, lya Yahova Nyasaye wowo ya ku ha kuva miyandu:

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

Kwidzulitsa 9:6

Kunangwa u manye, Yahova Nyasaye wowo si ya ku ha kivala kilahi yiki kuva miyandu gyigyo kigira butakatifu bubwo; kigira u veye ihiri yomwoyo mudinyu.