Kwidzulitsa 2:14 - KITABU KITAKATIFU

¹⁴ Namadiku ga kwa tsitsanga kutwula Kadesh-barnea, kuduka lwa kwambuka mugera gwa Zeredi, ga li mihiga makumi gavaka na gyitano na gyivaka; kuduka likula lyosi lyavasatsa avelihe lya dividzwa, kuli Yahova ya visuhira.

Kwidzulitsa 2:14 ပူးပေါင်းရင်းမြစ်များ

Zaburi 106:26

Kunangwa ya ginga mukono gwigwe kuvo, Kuvononnya mwigendanyama,

Zaburi 90:15

U ku yanzidze kuli livalidza lya madiku ga wa ku kupidza kivi Na kuli mihiga gya kwa lola ubudamano.

Zaburi 90:3

Ive u girunkannya avandu ku ubudivi, Na u vola, Mwirane, mwinye avana va avandu.

Zaburi 90:9

Kigira madiku getu ga vita mu butima bubwo: Ku heridza mihiga gyetu kuli lugano lu voleywi.

Zaburi 95:11

Kigira yaga ndisuha mu butima bwange, Si va lingira mu bwelemeridzi bwange.

Ezekieli 20:15

Kandi nda visuhira mu kyangalangwi, si nda va leta mkivala kya nda li ni nda va ha, kivala ki gangulukanga amaveere nobwuki, ki veye ubukumi bwevivala vyosi;

Livalidza 1:1

Na Yahova ya volera Musa mu kyangalangwi kya Sinai, mu lihema lyokuvuganira mu, ku lidiku lyokutanga mweli gwa kaviri, mu muhiga gwa kaviri inyima wokutwula mu kivala kya Egepeti, na a vola,

Livalidza 13:26

Na va tsia kuduka ku Musa na Haruni, noku livugana lyosi lya avana va Israeli, kuduka mu kyangalangwi kya Parani, ha Kadesh; na va va letera makuva, noku livugana lyosi, na va va mannya makuyu gekivala.

Livalidza 32:11

Ligali si ha la va nomulala ku yavo ava li kutwula mu Egepeti, kutwula ku avemihiga makumi gaviri nokuvita u nyala kulola kivala kya nda lagana na Abrahamu, na Isaka, na Yakobo; kigira si va nonda nomwoyo gwosi:

1 Vakorintho 10:5

Navutswa avanyingi kuvo si va yanzidza Nyasaye: kigira va dividzirwa mu kyangalangwi.

Kwidzulitsa 1:19

Ma kwa samula kutwula Horebu, ni ku vita hagati he kyangalangwi kinene yikyo kyosi kyokutihidza kya mwa lola, ku inzira yekivala kyevigulu kya Vaamori, kuli Yahova Nyasaye wetu ya ku laga; kwa duka Kadesh-barnea.

Kwidzulitsa 1:2

Lu veye lugendo lwamadiku likumi na lilala kutwula Horebu ku inzira yekigulu kya Seiru kuduka Kadeshbarnea.

Kwidzulitsa 1:46

Kunangwa mwa menya Kadesh madiku manyingi, kuli madiku ga mwa menya yo.

Kwidzulitsa 2:13

Kunangwa kalunu mu singire, mwambuke mugera gwa Zeredi. Na kwinye kwambuka mugera gwa Zeredi.

Kwidzulitsa 2:16

Kunangwa ga duka, lwa va mali kuhera avasatsa vosi velihe, nokukudza kutwula hagati ha avandu,

Kwidzulitsa 2:7

Kigira Yahova Nyasaye wowo u ku gasidzi mmiyinzi gyosi gyamakono gogo; ya manya ligenda lilyo mu kyangalangwi kinene yiki: mihiga makumi gane yigyi Yahova Nyasaye wowo ya li halala nive; si wa daka kindu.

Joshua 24:7

Navo lwa vanira Yahova ya vika kisundi hagati henyu na Vaegepeti, na ya leta inyanza kuvo, nokuvakunika; netsimoni tsyenyu tsya lola gosi aga nda kola mu Egepeti: na mwa menya mu kyangalangwi amadiku manyingi.

Joshua 5:4

Na kivune kya Joshua ya va kevera ni yiki: avandu vosi ava twula Egepeti, ava li avasatsa, avandu vasatsa vosi ava tsitsanga mu lihe, va kudzera mu kyagalangwi ku inzira, lwa va mala kutwula Egepeti.

Joshua 5:6

Kigira avana va Israeli va genda mihiga makumi gane mu kyangalangwi, kuduka ihiri yosi, avandu vasatsa va tsitsanga mu lihe ava twula Egepeti, va li va mala kudiva, kigira si va hulira mwoyo gwa Yahova: navo nivo ava Yahova yisuhira si a la va leka va duke kulola kivala kya Yahova yisuhira vaguga vavo a la ku ha, kivala ki gangulukanga amaveere nobwuki.

Yudasi 1:5

Kalunu nyenya kwidzulitsa mwinye kali mu manya vindu vyosi lulaia vutswa, kuli Mwami inyinga ya mala kuhonnya avandu va twula mu kivala kya Egepeti, inyima ya dividza ava vula kusuuvira.