Kwidzulitsa 18:20 - KITABU KITAKATIFU

²⁰ Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

Kwidzulitsa 18:20 ပူးပေါင်းရင်းမြစ်များ

1 Avami 13:19

Ma yirana halala naye, na a lagira mu inyumba yeye, nokunwa madzi.

1 Avami 18:19

Kunangwa kalunu tsia, u mbungidzire Israeli vosi mu kigulu kya Karimeli, na vaprofeti va Baal avandu tsimia tsine na makumi gatano, na vaprofeti vomunyasaye wekikali avandu tsimia tsine, ava lagiranga ku imeza ya Jezebeli.

1 Avami 18:27

Na ga duka inyinga ya mbasu hagati Elija ya va kolera kihenyehenye, na a vola, Mu hanzuke ligali; kigira a veye nyasaye: wevolerananga, kinga a himanga, kinga a veye mu lugendo, kinga mbula a gonanga ga mu dukira a vukidzwe.

1 Avami 18:40

Elija ya va volera, Mu gumire avaprofeti va Baal; mu ta leka a hone kali mulala mba. Navo va va gumira, na Elija ya va sulungutidza kuduka ku mugera gwa Kishon, na a viitira yo.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 23:30

Kunangwa kigira yaga henza, mbeye nobusigu ku avaprofeti, Yahova a vola, va nuula makuva gange ku mundu sa mulala nowakye.

Jeremia 23:31

Henza, mbeye nobusigu ku vaprofeti, Yahova a vola, ava tumekira tsinimi tsyavo nokuvola, Uyu a vola.

Jeremia 26:11

Hene yaho avasalisi navaprofeti va volera avanene navandu vosi, ni va vola, mundu uyu u dukani nelikudza; kigira ya profeta ku lidala yili, kuli mwa hulira namatu genyu.

Jeremia 27:15

Kigira inze si nda va tuma mba, Yahova a vola, navutswa va profeta ububehi ku lieta lyange; nduke kutwulidza mwinye, na mu dive, mwinye, navaprofeti ava mu profetera.

Ezekieli 13:6

Va lola vindu vya vutswa, nobusegetiri bwobubehi, yavo ava volanga, Yahova a vola, na Yahova si ya va tuma mba: navo va kola avandu kusuuvira likuva yili li la dukidzwa.

Zekaria 13:2

Na ga la duka mu lidiku yilyo, Yahova wa mahe a vola, nda twulidza ameta gevifwananyi mu kivala, nago ga la vula kwidzulitswa kandi; na nda twulidza avaprofeti na mwoyo mudamano vi twule mu kivala.

Zekaria 13:3

Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Kwidzulitsa 13:6

Ni i va amwavo wowo, mwana wa mama wowo, kinga mwana wowo muyai, kinga mukana, kinga mukali womukiritu kikyo, kinga mulina wowo, u veye kuli mwoyo gugwo, na a ku goonya makiriri, na a ku volera, Genda ku tsie kusigamira avanyasaye a v andi, ava u ta manya, ive, kinga vaguga vovo;

Kwidzulitsa 17:12

Nomundu u kolanga lihindageridza, kuvula kuhulira musalisi u singiranga kutumekira Yahova Nyasaye wowo, kinga mukalagi, mundu uyu a kudze: na u la twulidza ubudamano mu Israeli.

Kwidzulitsa 18:21

Nu u va nu u vola mmwoyo gugwo, Ku la manya ndi likuva lya Yahova ya vula kuvola?

Kwidzulitsa 18:22

Lwa mprofeti a vola ku lieta lya Yahova, inkuva yiyi ni i ta londa, kinga ni i ta loleka, yiyi i veye inkuva ya Yahova ya vula kuvola: mprofeti uyu a volanga nelihindageridza, u ta mu tia mba.

2 Petro 2:12

Navutswa yava, kuli vilombe vi ta li nobugeeri, vivulwa tsinyama vutswa kugumirwa nokugotidzwa, ava nyeganga mu vindu vya va vula kumanya, mu lyononnya lyavo va lononywa ligali,

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Vakalagi 2:15

Hosi ha va tsia, mukono gwa Yahova gwa li kuvo nobudamano, kuli Yahova ya vola, na kuli Yahova yisuha kuvo: navo va nyankana ligali.