Kwidzulitsa 18:15 - KITABU KITAKATIFU

¹⁵ Yahova Nyasaye wowo a la ku singeridzira mprofeti hagati hoho, ku vamwavo vovo, u veye kuli inze; mu hulire uyu;

Kwidzulitsa 18:15 ပူးပေါင်းရင်းမြစ်များ

Hosea 12:14

Efiraim ya vihirirwa nobutima ligali: kigira yaga masahi gege ga la lekwa kuye, na manyego gege, mwami a lirannya kuye mwene.

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.

Livalidza 12:8

na inze nda volerana naye munwa na munwa, kali havulavu, si ga veye ku livola lya hamwamu; naye a la lola lifwana lya Yahova: kunangwa kigira ki si mwa tia kuvola limonya ku mutumekiri wange, Musa?

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 21:11

Na viduma vya vola, Uyu nomprofeti, Yesu, wa Nazareti lya Galilaya.

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Luka 24:19

Naye ya va volera, Ni vindu ki? Navo va mu volera, Vindu vya li ku Yesu Munazareti, wa li muprofeti wetsingulu tsyokukola netsyokuvola imbiri wa Nyasaye, nembiri wavandu vosi:

Luka 7:16

Nobutii bwa gumira vosi, ni vidzominya Nyasaye, ni va vola, Muprofeti munene u vuki mu kwinye: Nyasaye u henzi avandu veve.

Luka 9:35

Mwoyo gwa twula mu malesi ni gu vola, Uyu nu Mwana wange, mutovole wange: mu mu hulire.

Yohana 1:21

Ni va mu teva, Niki kandi? Ive u veye Elija? Kandi ya vola, Si mbeye iye mba. Ive u veye muprofeti uyo? Kandi ya tivula, Auwa.

Yohana 1:25

Kandi va mu teva ni va mu volera, Kigira ki ive u batidza, na ive nu u ta li Kristo, kinga Elija, kinga muprofeti uyo?

Yohana 1:45

Filipu ya nyola Natanaeli, na a mu volera, Ku nyoye uyu wa Musa ya ng'oda kuye mu lilaga kandi avaprofeti, Yesu wa Nazareti, mwana wa Yosefa.

Yohana 4:19

Mukali ya mu volera, Mwami, Ndola u veye muprofeti.

Yohana 6:29

Yesu ya tivula na a va volera, Miyinzi gya Nyasaye ni yigyi, mwinye mu suuvire uyu wa ya tuma.

Yohana 9:17

Kunangwa va vo lera mboku kandi, U vola ndi kuye, kigira u ku kunuye tsimoni tsitsyo? Naye ya vola, Uyu nu muprofeti.

Vikolwa 7:37

Uyu ni Musa uyo wa volera avana va Israeli, Nyasaye a la mu singeridzira muprofeti u li twula mu vamwavo venyu, u fwanana na inze.

Kwidzulitsa 34:10

Na si ya vuka mu Israeli kutwula inyinga yeyo, muprofeti ku lugano lwa Musa, wa Yahova ya manya moni namoni,

Kwidzulitsa 5:5

(na inze inyinga zana nda singira hagati ha Yahova na mwinye, nduke kumumannya likuva lya Yahova: kigira mwa li nobutii kigira muliru, kandi si mwanegira mkigulu), ya vola.

1 Timoteo 2:5

Kigira Nyasaye a veye mulala, nomuhambannyi wa Nyasaye navandu a veye mulala, mwene a veye mundu, Kristo Yesu,

1 Yohana 3:23

Yili ni lilaga lilye, ku suuvire lieta lyo Mwana wewe Yesu Kristo, kandi ku yanzane kwinye avene, kuli ya ku ha munwa.