Kwidzulitsa 18:14 - KITABU KITAKATIFU

¹⁴ Kigira tsihiri yitsi tsya u li gumira, tsi nala kuhulira yava ava henza vyombwerefu, navasegetiri; navutswa ku ive Yahova Nyasaye wowo u vuli kukuha munwa kukola ndiyo.

Kwidzulitsa 18:14 ပူးပေါင်းရင်းမြစ်များ

Litanga 20:6

Na Nyasaye ya mbolera mu lilota, Yee, mmanya wa kola yaga mbulungi bwomoyo gugwo, na Inze kandi nda ku gayidza u vule kukola ku inze ubwoni: kigira yaga si nda ku lekera ubwiyangu kumudira.

2 Avami 21:6

Na ya vitidza mwana wewe muyai hagati homuliru, na ya ng'olera ku malesi, na ya kola busegetiri, na ya tsia ku avevigingi vya syukira, na vakumu: ya kola budamano bunyingi imbiri wa Yahova, kurnuvihiriridza.

Isaya 2:6

Kigira ive u leki avandu vovo avenyumba ya Yakobo, kigira vizuye miima gyevugwe, navo va ng'oleranga ku malesi kuli Vafilisiti, na va huliri dzana navana vavageni.

Jeremia 27:9

Navutswa ku makuva genyu, mu ta hulira avaprofeti venyu mba, kinga avasegetiri venyu, kinga amaloto genyu, kinga ava ng'oleranga ku malesi, kinga avakumu venyu, ava voleranga mwinye, kuvola, Mwinye si mu la tumekira mwami wa Babuloni mba:

Danyeli 2:27

Danyeli ya tivula imbiri womwami, na a vola, Likuva lyo mwami yenya avageeri, na avasegetiri, na vakumu, na avang'oli vosi, si va nyala kuvuulira mwami;

Mika 5:12

Nda twulidza ubukumu bu twule mmukono gugwo; na u la vula kuva na vangoleranga ku malesi:

Vikolwa 14:16

Naye inyinga yamakula aga vita, ya leka tsihiri tsi londe miima gyavo avene.

Kwidzulitsa 18:10

Ha ta nyoleka halala na ive, mulala u vitidzanga mmuliru, mwana wewe muyai kinga mkana, kinga mulala u kolanga ubusegetiri, kinga u henzanga vyombwerefu a lagule inkuva, kinga mulogi, kinga mbira,