Kwidzulitsa 18:10 - KITABU KITAKATIFU

¹⁰ Ha ta nyoleka halala na ive, mulala u vitidzanga mmuliru, mwana wewe muyai kinga mkana, kinga mulala u kolanga ubusegetiri, kinga u henzanga vyombwerefu a lagule inkuva, kinga mulogi, kinga mbira,

Kwidzulitsa 18:10 ပူးပေါင်းရင်းမြစ်များ

Litanga 44:5

Henza yiki si ki veye kyomwami wange a nweranga mu, kandi na geligali ni yiki kya a tooveranga ku? Mu koli ubudamano mu likola yaga.

2 Avami 16:3

Navutswa ya genda ku inzira yavami va Israeli, yee, ya vitidza mwana wewe hagati ho muliru, kuli livihiriridza lyavetsihiri, ava Yahova ya kunga va twule imbiri wavana va Israeli.

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

2 Avami 17:17

Na ya vitidza avana vavo avayai navakana hagati ho muliru, na va tumekira ubukumu nobusegetiri, na vegulidza avene va duke kukola ubudamano imbiri wa Yahova, kumuvihiridza.

2 Avami 21:6

Na ya vitidza mwana wewe muyai hagati homuliru, na ya ng'olera ku malesi, na ya kola busegetiri, na ya tsia ku avevigingi vya syukira, na vakumu: ya kola budamano bunyingi imbiri wa Yahova, kurnuvihiriridza.

2 Avami 23:24

Kandi yavo ava volerana ne myoyo mibi, navakumu, navanya saye, nevifwananyi, na vyokuvihiri ridza vyosi vya loleka mu kivala kya Yuda nomu Yerusalemi, Josia ya vi twulidza ligali, a duke kudinyeridza makuva gelilaga ago ng'odwa mu kitabu kya Hilikia musalisi ya nyola mu inyumba ya Yahova.

1 Kyetsinyinga 10:13

Kunangwa Saulo ya kudza kigira lihyola lilye lya ya hyola no kutinguha Yahova, mu likuva lya Yahova, lya ya vula kugumira; kandi kigira ya teva makuva ku mulala wa shukirwa, ku teva kuye,

2 Kyetsinyinga 28:3

Ka ndi ya vuyidza vimuli mwivona lyavana va Hinom, na ya samba ava na veve mu muliru, kuli livihiridza lyetsihiri tsya Yahova ya ta kyova imbiri wavana va Israeli.

2 Kyetsinyinga 33:6

Kandi ya vitidza avana veve hagati homuliru mwivona lyo mwana wa Hinom; na ya henza ku vindu vyomu bwerefu, na a kola bukumu bwobusegetiri, na a tumekira avevigingi, na vasegetiri na a kola budamano bunyingi mu tsimoni tsya Yahova, kumuvihiriridza.

Kutwula 22:17

Dada wewe na a sula ligali kumuha, a la tunga ifetha kudukana nevindu vyenko vyavakanavagima.

Kutwula 22:18

U ta leka mukali mukumu kuva mwoyo.

Isaya 47:13

U luhi mu bunyingi bwa makuva gogo: kalunu avang'oli, na va ng'olera ku tsing'e reng'ani, na vang'olera ku mweli nomweli, va singire, va honnye ive ku vindu vi duka ku ive.

Jeremia 27:10

kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Jeremia 27:9

Navutswa ku makuva genyu, mu ta hulira avaprofeti venyu mba, kinga avasegetiri venyu, kinga amaloto genyu, kinga ava ng'oleranga ku malesi, kinga avakumu venyu, ava voleranga mwinye, kuvola, Mwinye si mu la tumekira mwami wa Babuloni mba:

Jeremia 32:35

Na vombaka hadiguluku ha Baal, ha veye mwivona lyornn ana wa Hinom, va duke kuvitidza avana vavo vayai navakana ku muliru va ve ku Moleku; inkuva ya nda vula kuvalaga, kandi si yingira mu mwoyo gwange, va duke kukola livihiriridza yili, nokukyaminya Yuda va kole bwoni.

Jeremia 7:31

Na vombaka hadiguluku ha Tofethu, ha veye mwivona lyomwana wa Hinom kusamba avana vavo vayai navakana mu muliru; inkuva ya nda vula kulaga, kandi si yingira mu mwoyo gwange.

Kyavalevi 19:26

Mu ta lia kindu halala na masahi: kandi mu ta kola busegetiri, kinga kutumekira ubung'oli.

Kyavalevi 19:31

Mu ta tsia ku yavo ava veye nemyoyo gyokulagula, kinga ku avavimbuli, mu ta venyira kwononywa navo: inze mbeye Yahova Nyasaye wenyu.

Kyavalevi 20:6

Na mundu u girunkananga kulonda yavo ava veye nemyoyo gyokulagula, noku avavimbuli, kuvalonda mu buheyi, nda henzidza mumoni mwange ku mundu uyu, na nda mu twulidza mu avandu veve.

Mika 5:12

Nda twulidza ubukumu bu twule mmukono gugwo; na u la vula kuva na vangoleranga ku malesi:

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Vikolwa 19:19

Kandi ava ta li vakekeke ku ava kola ubusegetiri va leta halala vitabu vyavo ni va vi sambira imbiri wa vosi; kandi va validza hesabu yemiyandu ni va nyola gyi duka if etha tsielfu amakumi gatanu.

Vikolwa 8:9

Navutswa ya li yo mundu mulala wa langwa Simoni, lwambiri ya kola ubusegetiri mu lidala, na a gennya ihiri ya Samaria, na a vola mwene a veye munene.

Vagalatia 5:20

nokusigamira misambwa, nobukumu, nobusigu, nelihing'ana, nembodoka, nobutima, namahangali, nokwavukana, nokwekala vidieli,

Kwidzulitsa 12:31

U ta kolera Yahova Nyasaye wowo kuli yaga mba: kigira gosi aga veye livihiridza ku Yahova, aga a dunyiranga, va mali kukolera avanyasaye vavo; kigira kali avana vavo avayai navakana va va sambiranga vanyasaye v ovo mu muliru.

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.

1 Samweli 28:3

Samweli ya li ni ya mali kukudza, na Israeli vosi va mu syomera, nokumuta ha Rama, mu lidala lilye mwene. Na Saulo ya li na a mali kutwulidza ava mademoni gelimanya, navasegetiri, va twule mu kivala.

1 Samweli 28:7

Hene yaho Saulo ya volera vatumekiri veve, Mu nzenyere mukali u veye nelidemoni lyelimanya, nduke kutsia kuye, nokuteva kindu kuye. Na vatumekiri veve va mu volera, Henza, a veye ho mukali mulala u veye nelidemoni lyelimanya ha En-doru.

1 Samweli 28:8

Na Saulo yegirunkanya ni yevika ingubo yindi, na a tsia, uyu navandu vaviri halala naye, ni va duka ku mukali uyo mbudiku: na ya mbolera, Mwadza, u ndagulire, nelidemoni lyelimanya, na u mbukidzire mundu ku vosi wa mtala ku ive.

1 Samweli 28:9

Nomukali uyu ya vola, Henza, ive u manya aga Saulo ya kola, kuli ya kalaga kutwulidza ava mademoni gelimanya, na vasegetiri va twule mu kivala: kigira ki ive u vikira livamwoyo lyange mutego, u duke kunziita?